बारबाराको अन्त्येष्टि आज

दूरबिन नेपाल     ८ बैशाख २०७५, शनिबार ११:११    

Anil Baral Real Estate

हाउस्टन, अमेरिका, ८ वैशाख/ अमेरिकाका पूर्वप्रथम महिला बारबारा बुसको अन्त्येष्टि कार्यक्रम अप्रिल २१ अर्थात आज हुने भएको छ । बारबाराको ९२ वर्ष उमेरमा गत मंगलबार निधन भएको थियो । उहाँलाई शुक्रबार सर्वसाधारणले अन्तिम श्रद्धाञ्जलि दिन पाउने व्यवस्था मिलाइएको थियो ।

उहाँको गृहनगर हाउस्टनका प्रहरी प्रमुखले सुरक्षा सतर्कता बढाइएको पत्रकारलाई बिहीबार जानकारी दिनुभएको थियो । अन्त्येष्टि कार्यक्रममा अमेरिकाका पूर्वराष्ट्रपति बाराक ओबामा, उहाँकी श्रीमती मिसेल ओबामालगायतका अतिविशिष्ट व्यक्ति आउने कार्यक्रम रहेको हुनाले पनि सुरक्षा व्यवस्था कडा बनाइएको छ ।

पूर्वराष्ट्रपति जर्ज एच डब्लु बुसकी श्रीमती र अर्का पूर्वराष्ट्रपति जर्ज डब्लु बुसकी आमा बारबाराको अन्त्येष्टिमा उच्चपदस्थको बढी भिड हुुनु स्वभाविक भएको बताइएको छ । स्वर्गिय बारबारा बुसका श्रीमान् जर्ज एच डब्लु बुस सन् १९८९ देखि १९९३ सम्म र उहाँका छोरा जर्ज डब्लु बुसकी २००१ देखि २००९ सम्म अमेरिकाको राष्ट्रपति हुनुभएको थियो । (रासस-एएफपी)

तस्वीर: गेटी इमेज


८ बैशाख २०७५, शनिबार ११:११ मा प्रकाशित