लस एन्जल्समा नेवा: अर्गनाइजेशनले अप्रिल २९ मा रक्तदानको आयोजना गर्दै

दूरबिन नेपाल     १५ बैशाख २०७५, शनिबार ०५:०२    

Anil Baral Real Estate

लस एन्जल्स, २७ अप्रिल । नेवा: अर्गनाइजेशन साउदर्न क्यालिफोर्निया च्याप्टरको आयोजनामा २९ अप्रिल २०१८ आइतबार रक्तदान कार्यक्रम हुन् गईरहेकोछ । अर्गनाइजेशनले अगस्ट २०१२ देखि हरेक तीन महिनाको फरकमा रक्तदान कार्यक्रमको आयोजना गर्दै आइरहेको छ । बिहान नौ बजे देखि दिउसो ३.०० बजेसम्म श्रीपशुपतिनाथ तथा बुद्ध मन्दिर नर्वाल्कमा हुने रक्तदानमा भाग लिनको लागि सम्पूर्ण साउदर्न क्यालिफोर्नियाबासीलाई संस्थाले अनुरोध गरेको छ ।
पछिल्लो पटक २८ जनवरी २०१८ मा संस्थाले रक्तदानको आयोजना गरेको थियो ।
हरेक व्यक्तिले गरेको रक्तदानले तीन जनाको जीवन रक्षा हुने गर्दछ । अमेरिकी नियम अनुसार रक्तदान गर्न अमेरिकामा बस्न थालेको ३ वर्ष हुनुपर्ने तथा लगातार एकबर्ष अमेरिका बाहिर नगएको हुनु पर्दछ । सामान्य अवस्थामा ६ हप्ता पछि पुःन रगत दिन सकिने भए पनि प्लेटलेट चाही हरेक दुई साता पछि दिन मिल्दछ ।


१५ बैशाख २०७५, शनिबार ०५:०२ मा प्रकाशित