स्यामुएलले अमेरिकामा ९३ जनाको हत्या गरेको पुष्टि

दूरबिन नेपाल     २५ आश्विन २०७६, शनिबार ०२:१३    

स्यामुएलले अमेरिकामा ९३ जनाको हत्या गरेको  पुष्टि

अमेरिका ।
पछिल्लो चार दशकमा ९३ जनाको हत्या गरेको कबुल गरेका एक बन्दीलाई अमेरिकाको सङ्घीय अनुसन्धान ब्युरो एफबीआईले अमेरिकाको इतिहासमै सबैभन्दा धेरै हत्या गर्ने व्यक्ति भएको पुष्टि गरेको छ।

उनासी वर्षीय लीटल सन् २०१२ देखि तीन जना महिलाको हत्या अभियोगमा जेल सजाय भोगिरहेका छन्। प्रहरीले स्यामुएल लीटललाई सन् १९७० देखि २००५ सम्म भएका ५० वटा फरक घटनामा जोडेको छ।

PlutonicTech

लीटलले कमजोर व्यक्ति, कालो वर्णका महिला, लागु औषध प्रयोगकर्ता र यौन कर्मीहरूलाई निशानामा पार्ने गरेको अधिकारीहरूले बताएका छन्। पूर्वबक्सर समेत रहेका लीटलले पहिले मुक्का प्रहार गर्ने र त्यसपछि घाँटी थिचेर हत्या गर्ने गरेको बताइएको छ।

उनले गरेकामध्ये केही हत्याहरू दुर्घटना वा लागु औषधको अत्यधिक प्रयोगका कारण भएको अनुमान लगाउँदै एफबीआईले अनुसन्धान नगरेको बताइएको छ।

एफबीआईका अनुसार कतिपय मृत शरीर हालसम्म फेला परेका छैनन्। उनले कबुल गरेका बाँकी ४३ घटना पुष्टि गरिँदै छ।

Bhatta Law & Associate

हालसालै विभिन्न स्थानमा गरिएका हत्याका पाँचवटा घटनाबारे थप विवरण अधिकारीहरूले सार्वजनिक गरेका छन्। मृत्यु भएकाहरूको पहिचान गर्नका लागि विवरण सार्वजनिक गरिएको बताइएको छ।

यसअघि लीटलले आफूले हत्या गरेकाहरूको तस्बिर कोरेका थिए जसलाई अधिकारीहरूले पीडितहरूको पहिचान गर्नका लागि सार्वजनिक गरेका छन्। लीटलले मृत्यु भएकाहरूको वर्णन गरेको एउटा भिडिओ पनि सार्वजनिक गरिएको थियो ।

तस्बिर: गुगल
एजेन्सीको सहयोगमा


२५ आश्विन २०७६, शनिबार ०२:१३ मा प्रकाशित