अमेरिकामा लोकसेवा आयोगका पूर्वअध्यक्ष राईप्रति श्रद्धान्जलि व्यक्त

दूरबिन नेपाल     २६ आश्विन २०७६, आईतवार १४:२५    

अमेरिकामा लोकसेवा आयोगका पूर्वअध्यक्ष राईप्रति श्रद्धान्जलि व्यक्त

दूरबिन नेपाल, न्युयोर्क
अमेरिकाको न्युयोर्कमा लोकसेवा आयोगका पूर्वअध्यक्ष स्वर्गीय सन्त बहादुर राईप्रति श्रद्धान्जलि व्यक्त गरिएको छ । युनाईटेड किराँत राई अर्गनाइजेशन (युक्रा) अमेरिकाको आयोजनामा भएको श्रद्धान्जली कार्यक्रममा स्वर्गीय राईले मुलकको लागि पुर्याएको योगदानको स्मरण गरिएको थियो । सभामा युनाईटेड किराँत राई अर्गनाइजेशनकी सभापति मुना राईले अनावस्यक राजनीति गर्नुभन्दा समुदायको हितमा सोच्नुपर्ने शिक्षा स्वर्गीय राईबाट लिनुपर्ने बताइन । प्रमुख अतिथि राईले स्वर्गीय सन्त बहादुर राई निष्ठाको सतिशाल भएको बताउँदै शिक्षाले मात्र मानिस अगाडी बढ्न सक्ने बताए । राजदूत राईले दोश्रो पुस्तालाई सँगै राखेर सन्त बहादुर राईको योगदानको बारेमा चर्चा गर्नुपर्ने बताउँदै स्वर्गीय राईले समुदाय भन्दा माथि उठेर देशकै लागि योगदान गरेको स्मरण गरेकोमा प्रशंसा गरे ।

त्यस्तै पूर्वराजदूत डा.नोवेल किशोर राईले स्वर्गीय राई दुईपटक सचिव तथा दुईपटक लोकसेवा आयोगको अध्यक्ष समेत बन्ने आफ्नो समुदायबाटै पहिलो व्यक्ति रहेकोमा स्मरण गरेका थिए । त्यस्तै एनआरएनए अमेरिकाका क्षेत्रिय उपसंयोजक तथा विशेष अतिथि नविन शेरचनले स्वर्गीय राईको गुणगान जति नै गरेपनि कम हुने बताए । नेपाली समाज अमेरिकाका केन्द्रीय अध्यक्ष समिर मर्हजनले स्वर्गीय राई सम्पूर्ण जनजाति मात्र नभएर देशले नै गर्व गर्ने व्यक्तित्व रहेको बताउँदै स्वर्गीय राईका बारेको जीवनीका बारेमा अझै धेरै कुरा बुझ्न जरुरी रहेको बताएका थिए ।

PlutonicTech

कार्यक्रममा एनआरएनए अमेरिकाका पूर्व उपाध्यक्ष, तथा स्वर्गीय सन्त बहादुर राईका ज्वाँइ मिलन राई, तामाङ सोसाइटी अफ नर्थ अमेरिकाका केन्द्रीय सभापति ल्याकान लामा, प्रवासी एकता समाजका प्रतिनिधि राधाकृष्ण देउजा, जनसम्पर्क समितिका सचिव भोजराज थोकर, तमु सोसाइटीका अध्यक्ष विजय गुरुङ लगायतले आफ्नो धारणा राखेका थिए ।

मारिया राईले सञ्चालन गरेको सो कार्यक्रमको संयोजन युक्रा न्युयोर्कका सभापति केशव राम राईले गरेका थिए । न्युयोर्कस्थित घ्याल सुम्दो सेवा संस्थाको कार्यालयमा भएको श्रद्धान्जलिसभा युक्राकी सभापति मुना राईको अध्यक्षता र पूर्वराजदूत नवल किशोर राईको विशेष आतिथ्यतामा भएको थियो । विक्रम सम्बत २०१७ सालदेखि निजामति सेवामा प्रवेश गरेका राईले पीडियो, पमुख जिल्ला अधिकारी, पनिर्देशक, अनुसन्धान अधिकारी, महानिर्देशक,सचिव हुंदै लोक सेवा आयोगको अध्यक्ष बनेका थिए । राईको ८३ वर्षको उमेरमा यहि भदौ २३ गते निधन भएको थियो ।


२६ आश्विन २०७६, आईतवार १४:२५ मा प्रकाशित