यी हुन्  अब एनआरएनए हाक्न दावी गर्ने उमेदवार 

दूरबिन नेपाल     २९ आश्विन २०७६, बुधबार १२:३७    

यी हुन्  अब एनआरएनए हाक्न दावी गर्ने उमेदवार 

काठमाडौं २९ असोज । गैरआवासीय नेपाली संघ (एनआरएनए) को नयाँ नेतृत्व चयनका आज मतदान हुदै छ । विश्वभर छरिएर रहेका नेपालीहरुको सस्थालाई अबको दुई वर्ष नेतृत्व गर्ने दावी गर्दै अध्यक्षमा कुल आचार्य र कुमार पन्तले उमेदवारी दिएका छन् । दुबै जना वर्तमान कमिटिका उपाध्यक्ष हुन् ।

 

प्यानल सहित चुनावी मैदानमा उत्रिकएका आचार्य प्रजातान्त्रिक समुह र पन्त बामपन्थी समुह समर्थित उमेदवार हुन् । आचार्यको  प्रस्तावकमा दिलबहादुर गुरुङ र समर्थकमा विश्व आदर्श पण्डित रहेका छन् । यस्तै पन्तको प्रस्तावकमा राधिका गुरुङ र समर्थकमा डीबी क्षेत्री रहेका छन् । महासचिवमा आचार्य प्यानलबाट जानकी गुरुङ र पन्त प्यानलबाट डाक्टर हेमराज शर्मा उमेदवार बनेका छन् ।

PlutonicTech

चार जना उपाध्यक्षका लागि नौ जना प्रतिस्पर्धी

 

निर्वाचन समितिले सार्वजनिक गरेको अन्तिम नामावालीमा  उपाध्यक्ष पदमा नौ जनाको उमेदवारी परेको छ । त्यसबाट चार जना निर्वाचित हुने छन् । अमेरिकाबाट डाक्टर केशव पौडेल र सोनाम लामा दुबै जना उपाध्यक्षको उमेदवार बनेका छन् । यस्तै वर्तमान महाचसिप डाक्टर बद्री केसी पनि उपाध्यक्षको उमेदवार छन् । उपाध्यक्षमा उमेदवारी दिने  अन्यमा हिक्मतबहादुर थापा, किरणबिक्रम थापा, अर्जुनकुमार श्रेष्ठ, नरेन्द्रबहादुर भाट , मन केसी र धर्मराज अधिकारी  रहेका छन् । महिला उपाध्यक्षको एक पदका लागि  सपिला राजभण्डारी र रविना थापाको उम्मेदवारी परेको छ ।

 

दुई सचिवका लागि सात उमेदवार 

 

Bhatta Law & Associate

एनआरएनए आइसीसीको दुई सचिव पदका लागि  ७ जनाको उम्मेदवारी परेको छ । सचिव पदमा उमेदवारी दिनेहरुमा  दीपकप्रसाद ओली, सुष्मा लिम्बु, अभिमानसिंह बस्नेत, शिवकुमार बरुवाल, गौरीराज जोशी, आरके शर्मा र विनय अधिकारी रहेका छन् ।

 

कोषाध्यक्षको एक पदमा तीन जनाको उम्मेदवारी परेको छ । जसमा आचार्य प्यानलबाट सोमनाथ सापकोटा, पन्त प्यानलबाट महेशकुमार श्रेष्ठले तथा स्वतन्त्र रुपमा सुदन थापाले उम्मेदवारी दिएका छन् । एक जना निर्वाचित हुने सहकोषाध्यक्षमा लोकप्रसाद दाहाल र गोविन्दप्रसाद गौतमको उम्मेदवारी परेको छ ।

महिला संयोजकमा प्रमिला खड्का बस्नेत, भोमादेवी लिम्बु र संगीता मरहट्टाको उम्मेदवारी परेको छ । युवा संयोजकमा हिमाल गुरुङ, स्वतन्त्रप्रताप थापा र सुदीप कार्कीको उम्मेदवारी परेको छ ।


२९ आश्विन २०७६, बुधबार १२:३७ मा प्रकाशित