अमेरिकी राष्ट्रपति ट्रम्प महाअभियोगको संकटमा ? ट्रम्पले युक्रेनमाथी दवाव दिएको राजदुतको खुलासा

दूरबिन नेपाल     ६ कार्तिक २०७६, बुधबार ०३:०८    

अमेरिकी राष्ट्रपति ट्रम्प महाअभियोगको संकटमा ?

 

दूरबिन नेपाल
पूर्व उपराष्ट्रपति जो बाइडनमाथी युक्रेनले छानविन नगरे सैन्य सहायता रोक्न चेतावनी राष्ट्रपति डोनल्ड ट्रम्पले दिएको युक्रेनका लागि अमेरिकी राजदुत विल टेलरले बताएका छन । ट्रम्पमाथी महाअभियोग लगाउने बारे भइरहेको छाविनका क्रममा युक्रेनका लागि अमेरिकी निमित्त राजदुत टेलरले युक्रेनमाथी दवाव दिइएको बताएका थिए । आफ्ना सम्भावित प्रतिष्पर्धी तथा पूर्व उपराष्ट्रपति जे बाइडनमाथी युक्रेनले छानविन नगरे सहायता रोकिदिने राष्ट्रपति ट्रम्पले धम्कि दिएर अमेरिकी संविधान विपरित कार्य गरेको भन्दै उनीमाथीको महाअभियोग प्रक्रिया अघि बढिरहेको छ । आफ्नो घरेलु मामिलामा विदेशीसंगको सम्बन्ध विगारेको भन्दै ट्रम्पको चौतर्फी विरोध भइरहेको छ । महाअभियोग सम्बन्धी बयान दिने टेलर पछिल्ला व्यक्ति हुन । यसअघि युरोपेली संघका लागि अमेरिकी राजदुतलाई बयान नदिन राष्ट्रपति ट्रम्पले आदेश दिएका थिए ।

“यो अति बापपन्थी र उग्र कर्मचारीको षडयन्त्र हो”– ह्वाइट हाउस

PlutonicTech

राष्ट्रपति ट्रम्पलाई महाअभियोग लगाउने सम्बन्धमा यतिबेला अमेरिकी संसदमा बयान चलिरहेको छ । यसलाई ह्वाइट हाउसकी प्रवक्ता स्टेफनी ग्र्रिसमले राष्ट्रपति ट्रम्पले कुनै गलत कार्य नगरेको र यो सबै अति बामपन्थी सांसदहरु र उग्र कर्मचारीको भ्रामक अभियान भनी कडा टिप्पणी गरेकी छिन ।
यो संगै ट्रम्प्का वकिललाई महाअभियोग सम्बन्धी कागजपत्र पेश गर्न आदेश दिइएको छ । यद्यपि युक्रेनसंगको लेनदेनमा कुनै परिवर्तन नभएको राष्ट्रपति ट्रम्पको जिकिर छ । राष्ट्रपति ट्रम्प र युक्रेनका राष्ट्रपति भोलोदिमिर जेलेन्स्कीबीच जुलाई २५ मा टेलिफोन संवाद भएको थियो । जसमा ट्रम्पले बाइडन र उनका छोरा हन्टरविरुद्ध अनुसन्धान गर्न दवाव दिएको बताइएको छ ।


६ कार्तिक २०७६, बुधबार ०३:०८ मा प्रकाशित