अमेरिकाको कान्सास शहरमा गोली चल्यो २ को मृत्यू १५ घाइते

जाङबु शेर्पा     ७ माघ २०७६, मंगलवार ०३:१२    

Anil Baral Real Estate

जाङबु शेर्पा, दूरबिन नेपाल, अमेरिका
अमेरिकाको मिजौरी राज्यको कान्सास सिटीको एक रात्रीक्लबमा आइतबार राती गोली चल्दा कम्तिमा दुई जनाको ज्यान गएको छ भने १५ जना घाइते भएका छन । मृत्यु हुनेमा गोली चलाउने अभियुक्तपनि एक भएको प्रहरीको भनाई छ । आइतबार राती करिव साढे ११ बजेको समयमा गोलीकाण्ड नोल्याण्ड सडक नजिकै अल्ट्रा लङमा भएको थियो । घटनामा संलग्न प्रहरी अनुसन्धानकर्मीहरुका अनुसार एक संदिन्ध व्यक्ति पटक–पटक क्लवभित्र पस्ने प्रयास गरेको तर क्लवका सुरक्षा गार्डले रोक्न खोज्दा विवाद बढेपछि संदिग्ध व्यक्तिले गोली चलाएका थिए । जवाफी कारवाहीमा सुरक्षा गार्डलेपनि संदिग्ध व्यक्तिमाथी गोली चलाउदा उनको घटनास्थलमै मृत्यु भएको प्रहरीले बताएको छ । सो घटना लगत्तै क्लव सुरक्षा गार्डले एक महिला माथि पनि गोली चलाउंदा उनको पनि घटनास्थलमै मृत्यु भएको प्रहरीले पुष्टि गरेको छ । यद्यपि प्रहरीले संदिग्ध व्यक्ति र मारिएका महिलाको सम्बन्ध वारे भने केही खुलाएको छैन । घटनामा घाइते १५ जनामध्ये तीन जनाको अवस्थामा गम्भिर छ भने उनीहरु सबैलाई थप उपचारका लागि अस्पताल भर्ना गरिएको छ । घाइते भएकाहरुमाथि कसरी गोली लाग्यो भन्नेबारे प्रहरीले अनुसन्धान गरिरहेको छ । जैक्सन काउन्टीका अधिकारी जीन पीटर्स बेकर्सले कान्सास शहरले धेरैपछि यस्तो प्रकारको त्रासदी भोग्नु परेको प्रतिक्रिया दिएका छन ।


७ माघ २०७६, मंगलवार ०३:१२ मा प्रकाशित