ट्रम्पको थप राष्ट्रमाथीपनि यात्रा प्रतिबन्ध लगाउने तयारी थपिनेमा एशीयाली राष्ट्र धेरै ?

जाङबु शेर्पा     ९ माघ २०७६, बिहीबार ०३:२९    

Anil Baral Real Estate

जाङ्बु शेर्पा, दूरबिन नेपाल, अमेरिका
अमेरिकी राष्ट्रपति डोनल्ड ट्रम्पले थप केही राष्ट्रहरुमाथी अमेरिकी यात्रामा प्रतिबन्ध लगाउने योजना रहेको बताएका छन । राष्ट्रपतीले बुधवार स्विट्जरल्याण्डको दाभोसमा भएको वर्ल्ड इकोनोमिक फोरममा पत्रकारहरुसंगको कुराकानीमा योजनावारे बताएका हुन । तर कुन देशहरूलाई लक्षित गर्ने वा कति जनाको बारेमा थप विवरण भने उल्लेख गरेनन । राष्ट्रपति ट्रम्पले यात्रा प्रतिबन्धमा धेरै देशहरु थपिने पुष्टि गरेपनि अमेरिकी सञ्चारमाध्यमका अनुसार युरोप, अफ्रिका र एसियाका देशहरूबारे बिस्तारित आदेशका लागि छलफल भइरहेको जनाएका छन । तर पोलिटिकोले गरेको विश्लेषण अनुसार विस्तारित सूचीमा बेलारूस, म्यानमार (बर्मा), एरिट्रिया, किर्गिजस्तान, नाइजेरिया, सुडान र तान्जानिया समावेश हुन सक्छन । यद्यपि प्रतिबन्ध लाग्न सक्ने मूलूकहरुको सम्बन्धमा ह्वाइट हाउसमा गम्भिर छलफल भइरहेको अमेरिकी सञ्चारमाध्यमले जनाएका छन । बिस्तारित प्रतिबन्धको रिपोर्ट प्रारम्भिक आदेशको तीन बर्षे वार्षिकोत्सवमा घोषणा गरिने अनुमान गरिएको छ । ह्वाइट हाउसका प्रवक्ता होगन गिडलेले पनि एक विज्ञप्ति जारी गर्दे अमेरिकाको सुरक्षा आधारलाई मजबुत बनाउने र अमेरिकाले आतंकवाद वा अन्य कुनै राष्ट्रिय सुरक्षालाई खतरामा पार्ने तत्वहरुलाई आयात गर्न नचाहेको बताएका छन । यद्यपि विज्ञप्तिमा भने कि प्रशासनले प्रतिबन्धसँग सम्बन्धित कुनै नयाँ योजनाबद्ध घोषणाहरु वारे केही उल्लेख गरिएको छैन । यसअघि राष्ट्रपति ट्रम्पको प्रतिबन्ध नीतिवाट लिबिया, इरान, सोमालिया, सिरिया, यमन, उत्तर कोरिया र भेनेजुएला प्रभावित छन । प्रतिबन्ध लगाइएका अधिकांश राष्ट्रहरु मूस्लिम बाहुल्य हुन । यस प्रतिबन्धका आलोचकहरूले भने सेप्टेम्वर ११ मा भएको न्यूयोर्क आक्रमण बोस्टन म्याराथन बम विष्फोटन र ओर्लान्डो नाइटक्लब हमला ती सूचिमा नभएका देशहरूबाट वा अमेरिकामा जन्मिएका आक्रमणकारीहरूले गरेको बताएका छन ।


९ माघ २०७६, बिहीबार ०३:२९ मा प्रकाशित