कोरोना भाइरसको कहरः न्युयोर्क लगायत थप चार अमेरिकी राज्यमा संकटकाल अमेरिकामा मृतकको संख्या १९ नाघ्यो

दूरबिन नेपाल     २५ फाल्गुन २०७६, आईतवार ०४:५५    

Anil Baral Real Estate

दूरबिन नेपाल, न्युयोर्क
विश्वभर त्राही मच्चाइरहेको नोभेल कोरोना भाइरसको संक्रमण बढेन थालेपछि न्युयोर्कमा पनि संकटका लगाइएको छ । शनिवार न्युयोर्कका गभर्नर एण्ड्र्यु कुमोले पक्रकार सम्मेलन गर्दै नोभेल कोरोना भाइरसका कारण लाग्ने रोग कोविड १९ को संक्रमण बढ्दै गएकोले संकटकालको घोषणा गरिएको जनाएका छन । न्युयोर्कमा ८९ जनालाई कोविड १९ भएको पुष्टि भएको छ । अधिकांश संक्रमितहरुको ट्राभल हिस्ट्री नभएको र समुदायमा घुलमिलका कारण सो रोग लागेको आशंका गरिएपछि संकटकाल लगाइएको अनुमान गरिएको छ । पछिल्लो समय न्युयोर्कका एक जना उवर ड्राइभरलाई कोविड १९ देखिएपछि उनको सम्पर्कमा भएकालाई सो रोग सरेको हुन सक्ने अनुमान गरिएपछि अवस्था झन चिन्ताजनक भएको हो । गत पांच दिनमा न्युयोर्कमा संक्रमितको संख्या दोव्वर भएको छ । न्युयोर्कका स्वास्थ्य अधिकारीहरुले हजारौं व्यक्तिहरु आफै क्वारेन्टाइनमा बसेको अनुमान गरेका छन ।
अमेरिकामा कोरोना भाइरसबाट चार सय ३९ जना सक्रमित बनेका छन । मृतकको संख्या १९ पुगेको छ । मृतकहरु वसिङ्गटन, क्यालिफोर्नीया र फ्लोरिडाका रहेका छन । न्युयोर्क भन्दा पहिले वसिङ्गटन, क्यालिफोर्नीया तथा फ्लोरिडामा संकटकाल लगाइएको छ ।
गत डिसेम्बरमा चीनको वुहानबाट देखिएको नोभेल कोरोना भाइरसले अहिलेसम्म एक लाख पाँच हजार भन्दा धेरै मानिसहरु संक्रमित भएका छन । त्यसमध्ये मृतकको संख्या तीन हजार पाँच सय भन्दा धेरै छ । चीनपछि सबैभन्दा धेरै संक्रमण इरानमा देखिएको छ भने कोरीयामा पनि कोविड १९ को विस्तार डरलाग्दो देखिएको छ । त्यसैगरी युरोपमा सबैभन्दा कोरोना संक्रमित हुने मुलुक इटली रहेको छ । इटलीमा मृतकको संख्या पनि २३३ भन्दा धेरै रहेको छ । कोरोना भाइरसको आक्रमणपछि पनि धेरै मानिसहरु सञ्चो भएका छन । यसकारण यसको त्रास लिनुभन्दा यसको संक्रमणबाट जोगिन आफैले सचेतना अपनाउन चिकित्सकहरुले सुझाव दिएका छन । जस्तो नियमति हात राम्रोसंग धुने, भिडभाडबाट टाढा रहने तथा अल्कोहलिक स्यानीटाइजरको प्रयोग गरे कोरोना भाइरसको संक्रमण कम हुन सक्ने बताइएको छ ।


२५ फाल्गुन २०७६, आईतवार ०४:५५ मा प्रकाशित