कोरोना भाइरसबाट मृत्यू हुनेमा ८० वर्ष भन्दा वृद्धको संख्या उच्च, मुटु रोगी पनि उच्च जोखिममा

दूरबिन नेपाल     १ चैत्र २०७६, शनिबार २३:०७    

Anil Baral Real Estate

अमेरिका । नोभल कोरोना भाइरसको सङ्क्रमणवाट मृत्यू हुनेमा सवै भन्दा बढि ८० वर्ष भन्दा माथिका वृद्धहरु रहेका छन् । यो उमेर समूहको मृत्यूदर विश्वभर हालसम्म २३ दशमलव ९ प्रतिशत रहेको छ ।

 

युएस सेन्टर्स फर डिजिज कन्ट्रोल एन्ड प्रिभेन्सन (सिडिसि) ले वृद्ध र दीर्घरोग भएका व्यक्तिलाई सकेसम्म धेरै समय घरभित्रै बस्न प्रोत्साहन गरिरहेको छ ।

 

त्यस्तै ७० देखि ७९ वर्षसम्मको मृत्यूदर ८ प्रतिशत रहेको छ भने ६० वर्ष देखि ६९ वर्षसम्मको मृत्यूदर ३ दशमलव ६ र ५० देखि ५९ सम्मको १ दशमलव ३ रहेको छ ।

 

कोरोनाको सङ्क्रमणवाट हालसम्म ९ वर्ष भन्दा मुनिका कुनै वालवालिकाको मृत्यू भएको छैन । यस भाइरसवाट ४९ वर्ष भन्दा कम उमेर समूहको मृत्यूदर कम भएपनि यो उमेर समूहको धेरैमा पोजीटिभ लक्षण भने देखा परेको छ ।

 

सिडिसले जनाए अनुसार प्रारम्भिक जानकारीले वृद्धलाई कोरोनाभाइरसको जोखिम दोब्बर बढि हुन्छ । युएस डिपार्टमेन्ट अफ हेल्थ एन्ड ह्युमन सर्भिसेसले वृद्ध समुदाय र पहिले नै गम्भीर रोग लागेका व्यक्ति लक्षित कार्यक्रम अघि बढाइसकेको उल्लेख गरेको छ ।

 

अमेरिकी स्वाश्थ्य सेवा विभागका जन स्वाश्थ्य विश्लेषकहरुले समेत ६० वर्षभन्दा धेरै उमेर र दीर्घरोग भएका व्यक्तिलाई भीडभाडबाट टाढै रहन सुझाएका छन ।

 

भ्यान्डरबिल्ट विश्वविद्यालयका प्राध्यापक तथा सिडिसिका पुराना सल्लाहकार डा. विलियम साफनरले हवाइ यात्रा, सिनेमाघर, पारिवारिक जमघट, भीडभाड हुने मलमा शपिङ र धार्मिक अनुष्ठानजस्ता गतिविधिबाट दुवै समूहलाई टाढा बस्न सल्लाह दिएका छन्।

साफनरले भने, “यी दुई समूहले यो समयमा यी गतिविधिबाट टाढै बसेको बेस हुन्छ । ६० वर्षभन्दा धेरै उमेरका व्यक्ति र मुटु,  फोक्सो , मधुमेह वा रोग प्रतिरोधात्मक क्षमता कमजोर भएकाले यसमा विशेष ध्यान दिनुपर्छ। अन्य व्यक्तिसँग प्रत्यक्ष सम्पर्कबाट टाढा रहनु नै भाइरसबाट टाढा बस्ने उपाय हो।”

 

कोरोनाको सङ्क्रमणवाट मृत्यू हुनेमा महिला भन्दा धेरै पुरुष धेरै रहेका छन् । विश्व स्वास्थ संगठनको तथ्याङ्क अनुसार कोरोनावाट
मृत्यू हुने पुरुषको दर ४ दशमलव ७ प्रतिशत रहेको छ भने महिलाका मृत्यूदर २ दशमलव ८ प्रतिशत रहेको छ ।

 

चीनको तथ्याङ्कले वृद्ध र दीर्घरोग भएका व्यक्ति गम्भिर रूपमा बिरामी हुने जोखिम सबैभन्दा धेरै भएको देखाएको प्राध्यापक साफनरले बताए । उनका अनुसार कोरोनाभाइरसले उनीहरूको ज्यान पनि लिनसक्छ । कम उमेर र स्वस्थ व्यक्तिलाई सामान्यदेखि मध्यमखाले संक्रमण हुने वा कहिलेकाँही लक्षण पनि देखा नपर्ने सम्भावना हुन्छ ।

 

कोरोनाका सङ्क्रमणवाट मृत्यू हुने दिर्घ रोगीमा सवैभन्दा बढि मुटुरोगी १३ दशमलव २ रहेको छ भने मधुमेह लागेका ९ दशमलव २ रहेको छ । त्यस्तै फोक्सो सम्वन्धि रोग लागेका ८ प्रतिशत र हाइपर टेन्सका ८ लशमलव ४ तथा क्यान्सरका ७ दशमलव ६ प्रतिशत
रोगीको मृत्यू भएको छ ।


१ चैत्र २०७६, शनिबार २३:०७ मा प्रकाशित