एनअरएनए अमेरिका विरुद्ध मुद्धा  मुद्धा स्थगित गर्न भनिसके : सूर्य लम्साल 

दूरबिन नेपाल     १० बैशाख २०७७, बुधबार २२:५१    

Anil Baral Real Estate


दूरबिन संवाददाता अमेरिका अप्रिल २२ ।


कोरोना भाइरसले पुरै अमेरिका र नेपाली समुदाय आक्रान्त भइरहेको समयमा पीडितलाई राहतका लागि आर्थिक सहयोग जुटाइरहेको एनआरएनए अमेरिकालाई मुद्धा मामिलामा थप खर्च गर्नु पर्ने परिस्थिति आइलाग्न लागेको एनआरएनए अमेरिका पदाधिकारीहरूले दूरबिन नेपाललाई बताए ।  गत निर्वाचन निष्पक्ष नभएको भन्दै अदालत गएका सूर्य लम्सालले एनआरएनए विरुद्ध दायर गरेको मुद्धा पुन बल्झाइदिएको पत्र एनआरएनए अमेरिकालाई गत फेब्रुवरी १३ तारिख आएको थियो ।  एनआरएनए अमेरिकाका वकिलले एनआरएनए अमेरिकालाई आफ्नो शुल्क समेत पठाइसकेका छन् । अदालती प्रक्रिया नरोकिएमा कोरोना महामारीको बीचमा मुद्धा विरुद्ध वकिल र अदालती प्रक्रियाका लागि एनआरएनए अमेरिकाले थप ६ हजार डलर खर्च गर्नु पर्ने हुन्छ  । 

मुद्धाका पक्षधर भनिएका सूर्य लम्सालले दूरबिन नेपालसँग कुरागर्दै कोरोनाको महामारीमा आफू मुद्धा अगाडि बढाउने पक्षमा नरहेको बताए । लम्सालले भने “कोटले पनि अहिले काम गरेको छैन । मैले मेरो वकिललाई यो स्थगित गर्ने भनेको छु । कोरोना भाइरसले विश्व नै आतङ्कित भएको बेलामा मानव जाती नै एक पक्ष भएर लागि रहेको अवस्थामा नेपाली समाजमा पनि मतभेद आउनु हुन्न । यो विषय अहिले स्थगन भएको छ ।”


एनआरएनए अमेरिका एकजना पदाधिकारीले कोरोना भाइरसको महामारी बीच मुद्धा अगाडि नबढाउन अनुरोध गर्दा पनि नमानेको र मुद्धा पछाडि धकेल्न पनि नमानिरहेका लम्साल पक्षले अचानक कुरा फेरेको सुनेर अचम्वित र खुशी भएको बताए । उनले
एनआरएनए अमेरिकाका वकिलले गरेको तयारीको विषयमा पनि दूरबिन नेपाललाई जानकारी गराए ।

अध्यक्षमा पराजित भएपछि अगष्ट १५ सन् २०१९ मा निर्वाचन प्रकृयाको वैधतामा प्रश्न गर्दै वर्तमान कार्यसमितिले  आइसीसीको अधिवेशनमा अमेरिकाको तर्फबाट डेलिगेटस पठाउने प्रक्रिया रोक्न सूर्य लम्सालले मुद्धा दायर गरेका थिए । त्यसबेला अदालतले लम्सालको पक्षमा निर्णय दिएन । एनआरएनए अमेरिकाले आइसीसीमा प्रतिनिधि पठायो । अमेरिकाका प्रतिनिधि सम्मिलित आइसीसीको अधिवेशनबाट पन्त अध्यक्षतामा कार्यसमिति निर्वाचित भएको छ । कुनै कारणले एनआरएनए अमेरिका अवैध देखिएमा कुमार पन्त नेतृत्वको कार्यसमिति समेत अवैध दहरीने छ । एनआरएनए अमेरिकाका सवै च्याप्टरको वैधता पनि सकिने छ ।

 सूर्य लम्सालले निर्वाचनको निष्पक्षताको विषयमा आफूले पहिला नै  आइसीसीलाई जानकारी गराएको र त्यसमा चित्तबुझ्दो काम नभएपछि मुद्धामा गएको बताए ।  लम्सालले अध्यक्षको प्रतिस्पर्धाको दौडमा पराजित भएपनि निर्वाचन पछि मुद्धा मामिलामा नजाने सार्वजनिक अभिव्यक्ति दिएका थिए । लम्साल अगाडि पनि अध्यक्षमा पराजित भएपछि रबिना थापा अदालत गएकी थिइन । 


मुद्धा मामिलाले एनआरएनए अमेरिकालाई आर्थिक रुपमा ढाड सेकेको छ । गत डेढ वर्षमा मात्रै एनअराएनए अमेरिकाको कोषबाट मुद्धा मामिलामा करिब ३२ हजार डलर खर्च भएको  देखिन्छ । लम्सालले भर्खरै अगाडि बढाएको पुरानो मुद्धामा समयमा स्थगित भएन भने थप ६ हजार डलर भन्द बढि खर्च गर्नु पर्ने अवस्था छ ।  


निर्वाचनमा पराजित पक्ष र असन्तुष्टहरुले सन् २०१४ देखि यता एआरएनए अमेरिका र नेतृत्व विरुद्ध मुद्धा गर्दा ७० हजार डलर भन्दा बढि खर्च भइसकेको छ । 


१० बैशाख २०७७, बुधबार २२:५१ मा प्रकाशित