उत्तर कोरियाली नेता किमको अवस्था राम्रो रहेको दक्षिण कोरियाको दावी

दूरबिन नेपाल     १५ बैशाख २०७७, सोमबार ०५:१६    

उत्तर कोरियाली नेता किमको अवस्था राम्रो रहेको दक्षिण कोरियाको दावी

दूरबिन नेपाल, अमेरिका
केही दिनदेखि गुमनाम रहेका उत्तर कोरीयाली नेता किम जोङ उन जिवित र राम्रो अवस्थामा रहेको दक्षिण कोरियाले जनाएको छ । दक्षिण कोरीयाका राष्ट्रपति निकट गुप्तचर निकायको हवाला दिंदै एशोसियट्स प्रेसले लेखेको छ । किमका हजुरबुबाको एक सय ८ औं जन्मदिनमा उनी उपश्थित नभएपछि विभिन्न अफवाहहरु फैलिएका थिए । कतिपय विदेशी सञ्चार माध्यमहरुले त स्वास्थ्य अवस्था अत्यन्तै खराव भएकोले मृत्यु भएको हुन सक्ने अनुमान लगाएका थिए । उत्तर कोरीयाका फाउण्डर अर्थात किमका हजुरबुबा किम उल सङको जन्म दिनलाई अत्यन्तै महत्वका साथ लिइन्छ । सो दिन किमको अनुपश्थितीले अनेक आशंकाहरु जन्मिएको थियो । सन २०११ म सत्ता सम्हाले यता पहिलो पटक किम सो समारोहमा सहभागी भएनन । उत्तर कोरीयाली समाचारहरुले भने किमको अनुपश्थितीमा मौनता सांधेका थिए ।

 

तर दक्षिण कोरीयाली राष्ट्रपति मुन जे एनका विदेश सल्लाहकार चुङ इन मुनले आफ्नो दावी सही भएको र उत्तर कोरीयाली नेता किमको अवस्था पनि राम्रो भएको बताएका छन । चुङले फक्स न्युजलाई जनाए अनुसार अप्रिल १३ देखि किम वानसन क्षेत्रमा रहेका छन । तर उत्तर कोरीयाली नेताको अवस्थाको बारेमा आएका टिकाटिप्पणीहरु केवल अनुमानमात्र हुन सक्ने अन्तराष्ट्रिय सञ्चार माध्यमहरुले जनाएका छन । अमेरीकी जासुसी संस्थाहरुलेपनि उत्तर कोरीयामा कुनै असामान्य अवस्था आइलागेको भए सैन्य गतिविधिमा फरकपन आउने तर त्यसो नभएको जिकिर गरेको छ ।

PlutonicTech

दक्षिण कोरीयाको एक वेभ साइट डेली एनकेका अनुसार उत्तर कोरीयाली नेता किमको स्वास्थ्य अवस्था विग्रिएका कारण चिकित्सकको सेवा लिइरहेका थिए । समाचारहरुमा जे जसरी आएपनि उत्तर कोरीयाली नेता किमको स्वास्थ्य अवस्था यहि अवस्थामा छ भन्न सकिंदैन । अत्यन्तै कडा र गोप्य राखिने हुंदा उत्तर कोरीयाली सरकारी गतिविधिका बारे धेरैले अनुमान गर्ने गरेका छन । अमेरिकी राष्ट्रपति डोनल्ड ट्रम्पले नियमित प्रेस ब्रिफीङका क्रममा किमको स्वास्थ्य अवस्था राम्रो भएको अनुमान गरेका थिए । यद्यपि आफुले किमको स्वास्थ्यको बारेमा कुनै सोधी खोजी नगरेको बताए ।
एजेन्सीको सहयोगमा


१५ बैशाख २०७७, सोमबार ०५:१६ मा प्रकाशित