लकडाउनमा बसेका जनतालाई अनिवार्य राहतका लागि राज्यले जरुरी कदम चाल : काँग्रेस 

दूरबिन नेपाल     १६ बैशाख २०७७, मंगलवार १३:५९    

Anil Baral Real Estate

अमेरिका । नेपाली काँग्रेसले कोरोना संक्रमणका कारण लकडाउनमा बसेका जनतालाई अनिवार्य राहत उपलब्ध गराउन राज्यले जरुरी कदम चाल्न आग्रह गरेको छ ।

 

सभापति शेरबहादुर देउवाको निमन्त्रणामा आज पार्टी पदाधिकारी, पूर्व अर्थ मन्त्रीहरु एवं अर्थशास्त्रीहरु बीच सम्पन्न बैठकले यस्तो आग्रह गरेको हो । मुख्य सचिव कृष्णप्रसाद पौडेलद्वारा जारी प्रेस विज्ञप्तिमा बैठकमा दुई विषयमा छलफल भएको जनाइएको छ । बैठकमा छलफलको पहिलो बिषय,’लक डाउनका कारण नेपाली जनताले कष्टकर स्थिति भोगिरहेका बेला अनिवार्य राहत उपलब्ध गराउन जरुरी ब्यक्ति, वर्ग र क्षेत्रलाई पर्याप्त राहत दिन राज्यले चाल्न जरुरी कदम ।’ रहेको उल्लेख गरिएको छ । 

 

बैठकमा सभापति देउवाका साथै बरिष्ठ नेता  रामचन्द्र पौडेल, उपसभापतिहरु  विमलेन्द्र निधि र  विजयकुमार गच्छदार, महामन्त्रीहरु डा. शशांक कोइराला र श्री पूर्णबहादुर खड्का, र सहमामन्त्री डा. प्रकाशशरण महत सहभागि रहेको जनाइएको छ । यस्तै नेताहरु गोपालमान श्रेष्ठ, प्रकाशमान सिंह, डा. रामशरण महत,  ज्ञानेन्द्रबहादुर कार्की, डा. मिनेन्द्र रिजाल र उदयशम्शेर राणा तथा प्रवक्ता  विश्वप्रकाश शर्माको सभागिता रहेको थियो । यस्तै अर्थशास्त्रीहरुमा  डा. पृथ्वीराज लिगल, डा. शंकर शर्मा, डा. जगदीशचन्द्र पोखरेल, डा. गोविन्द पोखरेल, डा. स्वर्णीम वाग्ले, डा. अच्युत वाग्ले, डा. पोषराज पाण्डे,  प्रभु बुढाथोकी, डा. विश्व पौडेल र  राजु नेपालको सहभागिता रहेको थियो ।

 

बैठकमा कोरोनाको विश्वब्यापी महामारीले नेपालको अर्थतन्त्रलाई परिरहेको र पर्ने समग्र असरको पूर्वानुमान एवं कोरोनापछिको नेपालको अर्थतन्त्रलाई उकास्न समयमै तय गर्नुपर्ने अत्यावश्यक योजना र रणनीतिमा पनि छलफल भएको जनाइएको छ । 

 

विज्ञप्तिमा भनिएको छ,’छलफल अत्यन्तै गम्भीर र गहिरो सँग सम्पन्न भएको छ । ज्येष्ठ र जिम्मेवार राजनैतिक दलका रूपमा नेपाली कांग्रेस कोरोना सृजित वर्तमान र भविष्यको संकट सुविचारित ढंगले सामना गर्न जिम्मेवार र एकताबद्ध रुपले अग्रसर छ र रहनेछ ।’

 


१६ बैशाख २०७७, मंगलवार १३:५९ मा प्रकाशित