अमेरिकी तल्लो संसदले पारित गर्यो तीन ट्रीलियन डलरको राहत प्याकेज सिनेटले पारित गरेमा १२ सय डलरको चेक फेरी आउने

दूरबिन नेपाल     ३ जेष्ठ २०७७, शनिबार ०३:०७    

अमेरिकी तल्लो संसदले पारित गर्यो तीन ट्रीलियन डलरको राहत प्याकेज

दूरबिन नेपाल, न्युयोर्क
अमेरिकी संसदको तल्लो सदन प्रतिनिधि सभाले तीन ट्रीलियन डलरको कोरोना भाइरस राहत प्याकेज पारित गरेको छ । डेमोक्रयाटहरुको बाहुल्यता रहको प्रतिनिधि सभाले एक सय ९९ का विरुद्ध दुई सय ८ मतले पारित गरेको सो राहत प्याकेजले प्रतिव्यक्ति १२ सयको चेक पाउने व्यवस्था पनि गरेको छ । यसअघि पनि अमेरिकी सदनले पारित गरेर राष्ट्रपति डोनल्ड ट्रम्पले स्वीकृति प्रदान गरेको राहत चेक अधिकांश अमेरिकीहरुले प्राप्त गरिसकेका छन । शुक्रबार सदबाट पारित भएको सो राहत प्याकेजले हरेक सोसल सेक्युरिटी नम्बर भएकाहरुलाई १२ सय डलर, बेरोजगारी भत्ता, साना व्यवसायी, घरभाडा तथा घरमालिकहरुको राहतलाईपनि समेटिएको छ । कोरोना भाइरसले आक्रान्त बनेको अर्थतन्त्रलाई टेवा पुर्याउन राहत प्याकेज आवस्यक रहेको दावी डेमोक्रयाटहरुले दावी गरीरहदा रिपव्लिकनहरुले भने विरोध गरेका छन । रिपव्लिकनहरुले यस्तो प्याकेजले अर्थव्यवस्थालाई झन कठिन बनाउने दावी गरीरहेका छन । अब यो प्रस्ताव अमेरिकी अर्को सदन सिनेटमा प्रस्तुत हुनेछ । तर रिपव्किनहरुको बाहुल्यता रहेको सिनेटबाट सो प्रस्ताव पारित हुने सम्भावना कम रहेको बताइएको छ । यद्यपि डेमोक्रयाट र रिपव्लिकनहरुका विचमा गहन वार्ता भएमा पारित हुन सक्नेपनि केहीको अनुमान छ । प्रतिनिधि सभाबाट बिल पारित भएपछि सभामुख न्यान्सी पेलोसीले नागरिकहरुको जिवनयापन तथा यो महामारीबाट उन्मुक्ति पाउन र अमेरिकी लोकतन्त्रको रक्षाका लागिपनि यो राहत प्याकेज आवस्यक रहेको बताइन । अर्को तर्फ राहत प्याकेजको विपक्षमा रहेका रिपव्लिकनहरुले भने यस्तो प्याकजले मानिसहरुलाई काममा फर्कन निरुत्साहित गर्ने तथा उनीहरुलाई आपैm सबल बन्नबाट बिमुख बनाउने राज्यप्रति आश्रित बनाउने तर्क गरेका छन । शुक्रवार पारित भएको राहत बिल अब रिपव्लिकनहरुको बहुमत रहेको सिनेटले पारित गर्नुपर्छ त्यसपछिमात्र राष्ट्रपतिले स्वीकृती दिने कानुनी प्रावधान छ । तीन ट्रीलियन डलरको नेपाली मुल्य तीन सय ६३ खर्ब पांचसय ९४ अर्ब हुन आउछ ।


३ जेष्ठ २०७७, शनिबार ०३:०७ मा प्रकाशित