एनआरएनए अमेरिकाले शिक्षा र क्षमता विकासमा कार्यक्रम चलाउदै  

दूरबिन नेपाल     १८ जेष्ठ २०७७, आईतवार २३:०१    

एनआरएनए अमेरिकाले शिक्षा र क्षमता विकासमा कार्यक्रम चलाउदै  

अमेरिका । गैर आवासीय नेपाली संघ एनआरएनए अमेरिकाले आफ्नो क्षेत्रमा बसोबास गर्ने नेपालीहरुका लागि  शिक्षा र क्षमता विकासमा कार्यक्रम शुरु गरेकाे छ । एनआरएनए अमेरिकाले आफ्ना सल्लाहाकार स‌ंजय थापाको संयोजकत्वमा एजुकेसन एण्ड स्कील ईनह्याण्ड्मेन्ट कमिटि गठन गरि कार्यक्रम शुरु गरेको हो ।

 

संयोजक थापाका अनुसार अमेरिकामा रहेका नेपालीलाई उनीहरुको क्षमता विस्तारका लागि तालिम दिने कार्यक्रमको मुख्य उद्देश्य रहेको छ । दूरबिन नेपाल सँगको कुराकानीमा थापाले भने,’ अमेरिकामा आएका नेपालीलाई हामी क्षमता अनुसारको तालिम दिने व्यवस्था गर्छौै, त्यस पछि त्यस अनुसारको काम खोज्नका लागि पनि सहयोग गर्छौ ।  उनीहरुको जीवनस्तर जहाँ छ त्यो भन्दा माथि लैजना सहयोग गर्ने कार्यक्रमको लक्ष्य हो ।’

 

PlutonicTech

 

थापाका अनुसार त्यसका लागि अहिले महिनामा एक पटक सामाजिक सञ्जाल मार्फत प्रत्यक्ष प्रसारण गरि कार्यक्रम गरिने छ । महिनाको एक पटक गरि तीन महिना सम्मको कार्यक्रम सञ्चालन पछि त्यसको समिक्षा गर्दै भावी कार्यक्रम तय गरिने छ । एनआरएनएले शुक्रवार पहिलो कार्यक्रम सम्पन्न गरेको छ ।

 

 

‘अहिले आर्थिक संकटका बारेमा छलफल गर्यो, अब धेरै मान्छेले काम गुमाउदा प्रतिस्पर्धा धेरै हुन्छ,  त्यस्तोमा काम खोज्न सहयोग गर्ने,  राम्रो काम खोज्न कसरी सहयोग गर्ने भन्ने छ ।’ पहिलो चरणको कार्यक्रम पछि थापाले दूरबिन नेपाल सँग बताए । थापाले भविश्यमा स्किल लेवरको तालिम दिने गरि कार्यक्रम संचालन गरिने पनि थापाले बताए । ‘हामी आफैले त्यो गर्न त सक्दैनौ । मैले चुनावमा पनि उल्लेख गरेको थिए । सायद त्यही भएर कमिटीले मलाई नै जिम्मेवारी दिनु भयो, अब यस्तो कार्यक्रमलाई निरन्तरता दिन योजना बनाउछौं ।’


१८ जेष्ठ २०७७, आईतवार २३:०१ मा प्रकाशित