न्युयोर्कलाई पछ्याउदै  क्यालिफोर्निया दोस्रो, टेक्सास पाँचौ नम्बरमा 

दूरबिन नेपाल     ६ असार २०७७, शनिबार २१:४५    

Anil Baral Real Estate

दूरबिन संवाददाता ।


अमेरिका । अमेरिकामा कोरोना भाइरसको महामारीका कारण हुने मृत्युदर कम भए पनि सङ्क्रमणको दर भने घटेको छैन । सेन्टर फर डिजिज कन्ट्रोल सीडीसीको तथ्याङ्कले पछिल्लो समय क्यालिफोर्निया, टेक्सास, एरिजोना, फ्लोरिडा लगायतका राज्यमा कोरोना भाइरसको संक्रमण 
तीब्र भएको देखाएको छ । 

PlutonicTech


वल्र्डओ मिटरको तथ्याङ्कलाई आधार मान्दा संक्रमित संख्याको हिसाबले एक महिना अगाडि सम्म आठौँ नम्बरमा रहेको क्यालिफोर्निया न्युयोर्क पछाडि अर्थात दोस्रो बढि प्रभावित राज्य बन्न पुगेको छ । क्यालिफोर्नियामा संक्रमितको संख्या १ लाख ७२ हजार पुगेको छ । यो संख्या न्युजर्सिको भन्दा एक हजार बढि हो । त्यस्तै १४ औं नम्बरमा रहेको टेक्सास पाँचौ नम्बरमा उक्लिएको छ । टेक्सासमा संक्रमितको संख्या १ लाख १० हजार पुगेको छ । त्यस्तै एरिजोना र फ्लोरिडामा पनि संक्रमण तिव्र भएर गएको देखिएको छ । 


कोरोना भाइरसका कारण अहिले पनि अमेरिकामा दैनिक ५ सय भन्दा बढिले ज्यान गुमाइरहेका छन् । संक्रमित हुने संख्यामा खासै फरक नदेखिए पनि पछिल्लो समय कोरोना संक्रमितलाई बचाउन प्रयोग भएका औषधि प्रभावकारी देखिँदै गएकाले मृत्युदर घटेको हो ।  तर  महामारीको जोखिमका बीचमा अमेरिकाका धेरै राज्यले ब्यापार व्यवसाय र कारोबार खुला गरेका छन् ।  जसका कारण संक्रमण अझ तीब्र हुनसक्ने अनुमान गरिएको छ । 


६ असार २०७७, शनिबार २१:४५ मा प्रकाशित