न्युयोर्कको राजनीतिमा उदाउँदै युवतीहरु पुराना राजनीतिज्ञहरु पछारिंदै

दूरबिन नेपाल     ११ असार २०७७, बिहीबार ०३:१६    

न्युयोर्कको राजनीतिमा उदाउँदै युवतीहरु

दूरबिन नेपाल, न्युयोर्क

समाचार टिप्पणी

PlutonicTech

न्युयोर्कमा जुन २३ मा सम्पन्न ७३ औं एसेम्ब्ली अर्थात डिष्ट्रिक इलेक्सन(जिल्ला निर्वाचन) को डेमोक्रयाटीक प्राइमरीमा दुई युवतीहरुले जितेपछि न्युयोर्कको राजनीतिले केही कोल्टे फेर्न थालेको विष्लेशण गर्न थालिएको छ । क्वीन्स अन्तर्गतको एसेम्ब्ली डिष्ट्रिक ३४ मा धेरैले सोचे भन्दा फरक नतिजा आएको छ । विशेषगरी नेपाली अमेरिकन माझपनि कम चिनिएकी जेसिका गोञ्जालेज रहासले न्युयोर्कका भेट्रान स्थानीय राजनीतिज्ञ माइकल डेनेकरलाई पराजित गरेकी छिन । जेसिकाले भेट्रान डेनडेकर लाई भण्डै दुई गुण बढि मतले पराजित गरिन । जेसीका जी. रहास ले ४१ दशमलव ३ प्रतिशत मत प्राप्त गरेकी थिइन । जेसिका न्युयोर्कको प्रतिष्ठित विश्वविद्यालय सीटी युनिभर्सीटी अफ न्युयोर्कमा प्राध्यापन गर्छिन । न्युयोर्कको एसेम्ब्ली डिष्ट्रिक ३४ अन्तर्गत ज्याक्सन हाइट्स, इष्ट एलम्हस्र्ट र वुडसाइट र कोरोनाका केही भाग पर्छन, जहां नेपालीहरुको बसोबासपनि अत्यधिक रहेको छ ।

को हुन त जेसिकासंग पराजित माइकल डेनडेकर ?

माइकल यस्ता राजनीतिज्ञ हुन जो सन २००८ देखि लगातार छैठौ पटक सम्म न्युयोर्क स्टेट एसेम्ब्लीमा निर्वाचित हुंदै आएका थिए । सन २०१२ मा त उनी निर्विरोध निर्वाचित भएका थिए । सो बेला उनी विरुद्ध आफनै पार्टीं डेमोक्रेटीकले मात्र होइन प्रतिष्पर्धी दल रिपव्लीकनलेपनि उमेदवार पाएको थिएन । सो बेला उनी प्राइमरी र आम निर्वाचन दुवैमा निर्विरोध निर्वाचित बनेका थिए । तर सन २०१८ मा ९९ दशमलव २ प्र्रतिशतका साथ छैठौ पटक एसेम्ब्ली मेम्बर जितेका माइकल, २०२० को प्राइमरीमा भने २२ दशमलव ६ प्रतिशत मत ल्याउदै पराजित हुन पुगे ।

Bhatta Law & Associate

डिष्ट्रिक ३८ मा भारतीय मुलकी युवतीको चमत्कार

त्यसैगरि क्वीन्स अन्तर्गतको एसेम्ब्ली डिष्ट्रिक ३८ मा पनि नसोचेको नतिजा आएको छ । भेट्रान राजनीतिज्ञ माइकल जी मिलरलाइ पनि एक युवतीले आन्तरिक निर्वाचनमा पछारेकी छिन । सन २००९ मा गभर्नर प्याटरर्सनले आव्हान गरेको विशेष निर्वाचनमा निर्वाचित भएपछि एसेम्ब्ली डिष्ट्रिक ३८ मा उनको प्रवेश भएको थियो । त्यसपछि लगातार निर्वाचित हुंदै आएका मिलर २०१२ को प्राइमरीमा प्रतिष्पर्धामा निर्वाचित भएपनि आम निर्वाचनमा भने निर्विरोध चुनिएका थिए । सो बेला रिपव्ल्किनले उनी विरुद्ध उमेदवार उठाउने हिम्मत गरेन । सन २०१८ को निर्वाचनमा पनि ९९ दशमलव ६ प्रतिशत मत प्राप्त गर्दै जितेका थिए । तर अहिले भने पासा पल्टिएको छ । मिलर जस्ता भेट्रानले एक भारतीय मुलकी युवती जेनिफर राजकुमारसंग पराजित हुनु परेको छ । जेनिफर राजकुमारले ५२ दशमलव ५ प्रतिशत मत ल्याउंदा मिलरले दुई गुणाभन्दा कम मत अर्थात २५ दशमलव २ प्रतिशत मत प्राप्त गरेका छन । एसेम्ब्ली डिष्ट्रिक ३८ अन्तर्गत उड हेभन, रिचमण्ड हिल, ओजोन पार्क र ग्लेडल क्षेत्र पर्दछन । जेनिफर राजकुमार दोस्रो पुस्ताकी भारतीय मुलकी हुन ।
यी परिणामले न्युयोर्कको राजनीतिमा केही परिवर्तन आउने संकेत गरेको छ । विशेषगरी डेमोक्रयाटीकहरुको बाहुल्यता रहेको न्युयोर्कमा अब युवा उमेदवारलाई रुचाइन थालेको टिप्पणी गर्न थालिएको छ ।


११ असार २०७७, बिहीबार ०३:१६ मा प्रकाशित