नेपालका चेपाङ समुदायले पाए अमेरिकाबाट फिप्नाको राहत

दूरबिन नेपाल     ३० असार २०७७, मंगलवार १८:१९    

Anil Baral Real Estate

दूरबिन नेपाल, न्युयोर्क
नेपाल आदिवासी जनजाती महाँसंघ अमेरिका फिप्नाले नेपालमा चेपाङ समुदायलाई राहत वितरण गरेको छ । फिप्ना अध्यक्ष लोक चेम्जोङले दिएको जानकारी अनुसार मकवानपुरको राक्सीराङ गाउपालिका वडा नम्बर ५ मा अषाढ २९ गते ६० परिवार चेपाङलाई राहत सामग्री वितरण गरेको हो । चेपाङ समुदायलाई राहत वितरण गर्न गाउपालिका वडा नम्बर ५ का वडा अध्यक्ष चन्द्रसिंह चेपाङ र देवराज चेपाङले सहयोग गरेका थिए । फिप्ना अध्यक्ष चम्जोङले दिएको जानकारी अनुसार प्रति परिवार २५ केजी चामल, २ किलो दाल, एक लिटर तेल र नुन एक प्याकेट वितरण गरिएको थियो । चेपाङ समुदायलाई राहत वितरण गर्न नेपाल चेपाङसंघ वाग्मती प्रदेश समितिका अध्यक्ष खुशीलाल चेपाङले समन्य गरेका थिए । त्यसैगरि सामाजिक अभियन्ता तथा शिक्षक देव राज प्रजा चेपाङ तथा संचारकर्मी ज्योती कुमार श्रेष्ठलेपनि राहत वितरणमा सघाएको फिप्नाले जनाएको छ ।

साथै फिप्नाको आर्थिक सहयोगमा नेपालका विभिन्न ठाउहरूमा खाद्यान्न राहत वितरण जारी रहेको बताइएको छ । सिरहा जिल्लाको कल्याणपुर नगरपालिका वडा. न एक मा ६० घर मुसर समुदायलाई, दैलेख जिल्लाको गुराँस गाउँपालिका वडा एक र पाचमा. ५३ परिवारलाई, धनकुटाको लेउती कोरिडोरका ६५ मजदुर परिवारलाई र सुनसरीको मधुवन कोशी टप्पु, कोशी गाउपालिकाका ४० परिवार मजदुरहरूलाई राहत वितरण गरिसकिएको फिप्नाले जनाएको छ । त्यसैगरि तमोर कोरीडोरका माँझी समुदायहरूलाईपनि खाद्यान्न राहत वितरण गरीने जानकारी दिइएको छ । प्रति परिवार २५ किलो चामाल, २ किलो दाल, एक लिटर तेल र १ प्याकेट नुन का दरले वितरण गरीदै आएको छ । उपत्यकामा प्रत्येक दिन ३०० जनालाई खाना वितरण आठौ दिन सम्म सम्पन्न भएको फिप्नाले जनाएको छ । गोर्कणेश्वर नगरपालिकाको सोलु बाल कल्याण अनाथलयमा २५ हजार बराबरको खाद्य सामग्री, साँखुमाका अपाङगता भएका दुई युवाहरुलाई ५ बोरा चामल, र ५ प्याकेट तेल तथा टेकुको पचली भैरवमा रहेको सत्प्रयास सिद्धिसेवाश्रममा बृद्धा आमाहरुको औषधि खरिदका लागि नगद २५ हजार रुपैयाँ हस्तान्तरण गरीएको छ । फिप्नाका अध्यक्ष चेम्जोङले जनाएका छन ।


३० असार २०७७, मंगलवार १८:१९ मा प्रकाशित