कोरोना भाइरसको महामारीबाट विश्वको सवैभन्दा प्रभावित अमेरिकामा अर्को विपद्, पुरै सहर दिउँसै अन्धकार

गणेश थापा / क्यालिफोर्निया     २५ भाद्र २०७७, बिहीबार १२:४१    

Anil Baral Real Estate

गणेश थापा/ क्यालिफोर्निया,

संयुक्त राज्य अमेरिकाको विभिन्न सहरमा एक्कासी अन्धकार छाएको छ । क्यालिफोर्निया राज्यको मुख्य सहर सानफ्रान्सिस्कोमा यतिवेला रातझैं अध्यॉरोले ढाकेको छ ।  यहॉ दिउँसोको २ बजिसक्दा समेत दिनरात छुट्याउन करीव-करीव कठिन देखिएको छ ।

सुर्य उदायको हो या होइन भन्ने कुरा विहानीको त कुरै छोडम मध्यान्हले समेत कुनै संकेत गर्न सकिरहेको अवस्था छैन । सहरमा जताततै दिनपनि रात भाकोछ यतिवेला । मध्यदिउँसो सारा सडकवत्ति बलिरहेका छन् । सवारी साधनहरू आफ्ना हेडलाइट अन गरेर गन्तव्यतर्फ हुइँकिरहेका छन् । जनजिवन निकै कौतुहल छ । तैपनि मानिसहरू निःशब्द प्राय: छन्, किनकी यो एउटा मानवसिर्जित विपद् भएकोले यसको सामना पनि मानिसले नै गर्नुपरिरहेको छ ।

 

कोरोना भाइरसको महामारीबाट झण्डै २ लाख व्यक्तिको ज्यान गइसकेको अमेरिकामा रगंभेदी आन्दोलनको चोटपछि हाल क्यालिफोर्निया, वासिगंटन, ओरेगन लगायतका राज्यहरूमा बिशाल रूपमा फैलिरहेको डडेलोको कारण यसखालको विपद् आइलागेको हो । आकाश तुवॉलो र धुवॉले ढपक्कै ढाकेका कारण यस किसिमको समस्या आएको सम्बन्धित क्षेत्रका विज्ञहरूले उल्लेख गरेका छन् । अमेरिकन मौसमविद्ले केहीदिन यस्तै अवस्था रहने र वायुमंडलमा सुद्ध अक्सिजनको मात्रा कमी रहेकोले सचेतता अपनाउन सर्वसाधारणमा आग्रह समेत गरेका छन् ।

 

 

 

 

 

 


२५ भाद्र २०७७, बिहीबार १२:४१ मा प्रकाशित