उदयपुरका बालसरी राईलाई अमेरिकाका किरात राईहरुले गरे तीन लाख सहयोग

दूरबिन नेपाल     ३१ भाद्र २०७७, बुधबार २३:१३    

Anil Baral Real Estate

दूरबिन नेपाल, न्युयोर्क
बिराटनगरस्थित नोबेल अस्पतालमा उपचार गराइरहेका उदयपुरका बालसरी राईलाई अमेरिकामा रहेका किरात राईहरुको पहलमा सहयोग संकलन गरी वितरण गरिएको छ । टाउकोमा गम्भिर चोट लागि बिराटनगरमा उपचार गराइरहेका राईको तर्फबाट भतिजा मोहन विक्रम राईले अमेरिकाबाट संकलित तीन लाख ६ हजार तीन रुपैया बुझेका थिए । घाइते राईको सहयोगको लागि अमेरिकाका तेष्यु राईको संयोजकत्वमा सहयोग संकलन गरिएको थियो । सहयोग संकलनमा दिल राई, गणेश राई, विजय राई, प्रेम राई, विजेन्द्र राई, श्रृजना राई, शम्भु राई, अग्नि राई र केशवराम राईले पहल गरेका थिए । संकलित रकम न्युयोर्कबाट केशवराम राईले सेप्टेम्बर १ तारिखका दिन समाजसेवी भोलामणी राई हार्तछाम्ली राईलाई पठाएका थिए । सो रकम किरात राई यायोख्याका केन्द्रिय सभापति दिवस राई किरातलाई भोलामणी राई हार्तछाम्ली राईलाई बुझाएका थिए । सभापति राईले बिरामीका भतिजालाई रकम बुझाएका थिए । अमेरिकाबाट सहयोग पठाउनेप्रति आभार व्यक्त गरिएको थियो ।


३१ भाद्र २०७७, बुधबार २३:१३ मा प्रकाशित