गिरिजा प्रसाद कोइराला फाउण्डेशन अमेरिकाद्धारा निशुल्क खाद्यान्न वितरण

दूरबिन नेपाल     १ आश्विन २०७७, बिहीबार १५:०४    

Anil Baral Real Estate

 

दूरबिन नेपाल, न्युयोर्क

गिरिजा प्रसाद कोइराला फाउण्डेशन अमेरिकाले निशुल्क तरकारी वितरण गरेको छ । फाउण्डेसनका अध्यक्ष सोमनाथ घिमिरेले दिएको जानकारी अनुसार जम्मा १६ सय बाकस तरकारी वितरण गरिएको हो । वितररण गरिएको तरकारीमध्ये १४ सय बाकस तरकारी विभिन्न संघसस्ंथाका प्रतिनिधिहरुले ब्रुकलिनको वेयर हाउसबाट लिएका थिए । हरेक बाकसमा २५ पाउण्डका दरले रहेको तरकारी स्टालवार्ट्स युथ की अध्यक्ष डिम्पल वईलाबसले फाउण्डेसनलाई सहयोग गरेकी थिइन ।


न्युयोर्क शहरको मेयर कार्यालय, ब्रुकलीनबोरो प्रेसिडेन्टको कार्यालय, क्वीन्सबोरो प्रेसिडेन्टको कार्यालय, न्युयोर्क राज्यका सेनेटरहरु, न्युयोर्क राज्यका ऐसेमब्ली मेम्बरहरु र न्युयोर्क शहरका सिटी काउन्सील मेम्बरहरुको सल्लाह र अवलोकनमा फाउण्डेशनले निशुल्क खाद्यान्न वितरण कार्यक्रम गरिरहेको बताइएको छ । फाउन्डेसनको निःशुल्क शुद्व तरकारी वितरण कार्यक्रममा उपाध्यक्ष सुवर्ण लामा र केन्द्रीय सदस्य सूर्य सिमखडा तथा स्वयंसेवीहरु क्रमशः ने.का. युवा नेताहरु क्रमशः पंकज सुब्बा, प्रेमलाल बुढा मगर, नारायण भट्टराई, कुमार खडका, प्रधुम्न रायमाझि, राजु घर्ती, लक्ष्मण पुन, नारायण भट्टराई, कुमार खडका, राम अधिकारी, रेखा श्रेष्ठ, ईन्डीयन अमेरिकन कम्युनिटीका सन्तलाल सिंह लगायत खटिएको अध्यक्ष घिमिरेले बताए । सो कार्यक्रममा सोहेल राना र समुदायिक नेता ह्यालिङ चेन को पनि उपस्थिति रहेको थियो


१ आश्विन २०७७, बिहीबार १५:०४ मा प्रकाशित