जिपिके फाउण्डेसनद्वारा पच्चीसौं पटक खाद्यान्न वितरण

दूरबिन नेपाल     २२ आश्विन २०७७, बिहीबार ०२:०५    

Anil Baral Real Estate

दूरबिन नेपाल, न्युयोर्क

गिरिजा प्रसाद कोइराला फाउण्डेसन अमेरिकाले पच्चीसौं पटक निशुल्क खाद्यान्न वितरण गरेको छ । अक्टोबर ७ गते बुधवारका दिन वितरण गरिएको खाद्यान्नमा दुधजन्य र चिकन रहेका थिए । निशुल्क खाद्यान्न वितरण कार्यक्रम न्युयोर्क शहरको क्वीन्स बोरो स्थित विभिन्न संघ–संस्थाहरु मार्फत गरिएको थियो ।

गिरिजा प्रसाद कोइराला फाउण्डेशन अमेरिकाले रिभर फण्ड का मुख्य उत्पादन अधिकारी डा. ओट्टो स्टार्जमेन सँग सहकार्य गरी ५ सय ७६ बक्स निशुल्क दुग्धजन्य पदार्थहरू, फ्रोजन चिकेन र फलफुल वितरण गरेको फाउण्डेशनका अध्यक्ष सोमनाथ घिमिरेले जानकारी दिए ।

फाउण्डेसनले न्युयोर्कको क्वीन्समा रहेका संघ–संस्थाहरु युनाईटेड शेर्पा एसोसिएसन अमेरिकाका उपाध्यक्ष फुर्वा शेर्पा मार्फत १ सय ४४ बक्स, नेपाली कांग्रेसका युवा नेता अनिल पाण्डे मार्फत १ सय ४४ बक्स, भोज राज ठोक्कर मार्फत १० बक्स, पल्जु शेर्पा मार्फत १० बक्स, बर्डफ्ल्यु कनेक्सन यु.एस.ए.ईन्कका अध्यक्ष आङ गेलु शेर्पा मार्फत ७ बक्स, तिब्बतीयन कम्युनिटि एन वाइ–एन जे की तेन्जिन टिस्याङ मार्फत ९६ बक्स, तमु परिवार अमेरिका, न्युयोर्कका मनिता गुरुङ मार्फत ७२ बक्स र व्यक्तिगत लाईनबाट ९३ बक्स निशुल्क दुग्धजन्य पदार्थहरू, फ्रोजन चिकेन र फलफुल वितरण गरिएको थियो ।

फाउन्डेसनको निःशुल्क खाधन्न वितरण कार्यक्रममा उपाध्यक्ष सुवर्ण लामा, केन्द्रिय सदस्य एवं समुदाय सम्बन्ध निर्देशक छिरीङ्ग राप्के लामा, केन्द्रीय सदस्य राम चन्द्र अधिकारी र सूर्य सीमखडा खटिएका थिए भने स्वयंसेवीहरु पंकज सुब्बा, अनिल राज पाण्डे, प्रेमलाल बुढा मगर, विमल रोक्का, लक्ष्मण पुन, राम अधिकारी, प्रधुम्न रायमाझी, कुमार खडका, नारायण भट्टराई, राजु घर्ती, माधव जोसी र यसै फाउण्डेशनकी महिला सदस्य मुना भण्डारी के.सी. लगायत खटिएका थिए ।


२२ आश्विन २०७७, बिहीबार ०२:०५ मा प्रकाशित