फिप्नाद्वारा सहयोग वितरणको आर्थिक प्रतिवेदन सार्वजनिक नेपालमा २६ लाख बराबरको खाद्यान्न वितरण गरिएको जानकारी

दूरबिन नेपाल     २४ कार्तिक २०७७, सोमबार ०३:३३    

Anil Baral Real Estate

दूरबिन नेपाल, न्युयोर्क

नेपाल आदिवासी जनजाति महासंघ अमेरिका, फिप्नाले नेपालमा गरिएको सहयोग वितरणको आर्थिक प्रतिवेदन सार्वजनिक गरेको छ । फिप्नाद्वारा आइतबार गरिएको पत्रकार सम्मेलन गरी आर्थिक प्रतिवेदन सार्वजनिक गरेको हो । फिप्नाले अमेरिकाबाट आर्थिक संकलन गरि नेपालमा यहि बर्षको जुलाई ५ देखि अगष्ट २९ सम्म राहत वितरण गरेको थियो । फिप्नाका अध्यक्ष लोक चेम्जोङले दिएको जानकारी अनुसार अमेरिकाबाट अमेरिकी डलर २२ हजार ५२ दशमलव ११ संकलन गरिएको थियो । अमेरिकामा संकलन गरिएको रकम नेपालका विभिन्न स्थानमा विभिन्न चरणमा राहत वितरण गरिएको थियो ।

फिप्नाको आर्थिक संकलन अभियानमा विभिन्न संघ संस्थाहरू, व्यापारी तथा व्यवसायीहरुको सहयोग गरेका थिए । संस्थागत तथा समुहगतरूपमा घ्याल्सुम्दो सेवा संस्था अमेरीका, युनाईटेड किराँत राई अर्गनाईजेसन अफ अमेरीका, मुस्ताङ किदुक यु.एस.ए, युनाईटेड शेर्पा एसोसिएशन यु.एस.ए सहयोग गरेका थिए । त्यसैगरि एनआरएन युएसए उपाध्यक्ष बाबुराम लामा, सदस्यता संस्थाका पदाधिकारीहरू, संघीय परिषदका पदाधिकारीहहरू, सल्लाहकारहरुले पनि सहयोग गरेका थिए । त्यसैगरि फिप्नाको अभियानमा फिप्नाका सल्लाहकार तेन्जिङ उक्याव, नेपाल आदिवासी जनजाति महासंघ संघिय परिषद सचिवालय काठमाण्डौ लगायतका व्यक्तिहरुले सहयोग गरेका थिए ।
आइतवार जुम प्रविधि मार्फत गरिएको पत्रकार सम्मेलन फिप्नाका महासचिव नरेन्द्र थापाले संचालन गरेका थिए । पत्रकारहरुको जिज्ञाशाको जवाफ फिप्नाका अध्यक्ष लोक चेम्जोङले दिएका थिए । पत्रकार सम्मेलनमा अमेरिका र नेपालबाट विभिन्न संचारकर्मीहरुको उपश्थित रहेको थियो ।


२४ कार्तिक २०७७, सोमबार ०३:३३ मा प्रकाशित