राष्ट्रीय स्क्वास च्याम्पियनसिप,दिदी भाइ नै उपाधि नजिक

दूरबिन नेपाल     १४ पुष २०७४, शुक्रबार १२:३७    

Anil Baral Real Estate

काठमाडौं, पुस १४ गते ।

पश्चिमाञ्चलका अमृत थापा मगर र मध्यमाञ्चलका अरहान्तकेशर सिम्ह राखेप च्याम्पियनसिप अन्तर्गत स्क्वासकाे पुरूष एकलकाे उपाधिका लागि  भिड्ने भएका छन् ।

यस्तै महिला एकलकाे च्याम्पियनकाे  छिनाेफानाे महिला  पश्चिमाञ्चलकी कृष्णा थापा र मध्यमाञ्चलकी भावना सुनवार बीचकाे खेलबाट हुने छ ।

शुक्रवार सम्पन्न सेमीफाइनलमा  अमृतले मध्यमाञ्चलका राजेन्द्र शाक्यलाइ तीन शुन्यकाे साेझाे सेटमा हराए । अमृत ११–६, ११–८ र ११–६ स्काेरकाे  जीत हात पार्दै  उपाधी नजिक पुगेका हुन् । अर्काे सेमीफाइनलमा  अरहान्तले मध्यमाञ्चलका छिरी लामालाई ११–६, ११–३ र ११–६ को सोझो सेटमा पराजित गरे ।

प्रतिस्पर्धात्मक बनेकाे महिला एकलकाे सेमीफाइनलमा  अमृतकी दिदी कृष्णा थापाले मध्यमाञ्चलकी विपना ब्लोनलाई तीन दुइकाे सेटमा हराइन । पहिलाे सेट ११–६ ले जितेकी कृष्णाले दाेस्राे सेट  १०–१२ ले गुमाएकी थिइन । तेस्राे सेट झनै राेचक बन्याे । जसमा कृष्णा  १२–१० ले सफल भइन । त्यस पछि जित्ने पालाे  विपनाकाे रह्रयाे । चाैथाे सेटमा  विपना हावी भइन । त्याे सेट विपनाले  ११–४ ले  जिते पनि फाइनलमा पुग्ने सपना भने पुरा हुने सकेन । अन्तिम सेट  ११–८ ले जित्दै कृष्णा उपाधि नजिक पुगिन ।

अर्काे सेमीफाइनलमा  भावनाले मध्यमाञ्चलकै स्वस्थानी श्रेष्ठलाई ११–६, ११–२ र ११–१ को सेटमा हराइन ।

महिला पुरूष दुबै तर्फकाे फाइनल शनिबार हुनेछ ।


१४ पुष २०७४, शुक्रबार १२:३७ मा प्रकाशित