पिट्सबर्ग, क्यालिफोर्निया । गत डिसेम्बर १५, २०२४ देखि हराइरहेका निरज श्रेष्ठको शव क्यालिफोर्निया बे एरीयाको पिट्सवर्ग मरिनास्थित उनकै घर नजिक समुन्द्र तटमा फेला परेको छ।
हाल निरजको शब पिट्सवर्ग पुलिसले राखेको छ र अन्तिम दाहसंस्कारको लागी स्थानिय Delta-X Organization ले व्यवस्थापन गरिरहेको जानकारी दिइएको छ ।
स्वर्गीय श्रेष्ठको १३ औ दिनसम्म काजक्रिया गर्न लाग्ने सम्पूर्ण खर्च बे एरीयाको रिच्मण्डमा रहेको मुक्तिनाथ घाम मन्दिरले बेहोर्ने भएको छ। मदरल्याण्ड नेपाल एवं मुक्तिनाथ धाम मन्दिरका संस्थापक अध्यक्ष अनिल पाण्डे , मुक्तिनाथ धामकै बोर्ड अफ टष्टी अध्यक्ष सूर्य शर्मा र कोषाध्यक्ष संजीव भट्टको उपस्थितीमा Delta X का अध्यक्ष मुकुन्द दवाडीलाई तत्काल सहयोग स्वरूप निरजको घरमै गएर परीवार समक्ष चेक हस्तान्तरण गरेको मुक्तिनाथ धामका अध्यक्ष अनिल पाण्डेले बताए ।
प्राप्त जानकारी अनुसार स्व: निरजको परिवारसंग समन्वय गरी पार्थिव शरीरको अन्त्यस्टि र १३ दिनको कर्म गर्न सम्पूर्ण व्यस्वस्थापन Delta X का शूभाष शाही दीपक अधिकारी र मनोहरा थापालेले स्थानीय प्रहरीसंग समन्वय गरीरहेका छन्
मुक्तिनाथ धाम मन्दिरले गरेको मृत आत्माले चीर शान्तिको कामना गर्दै बे एरीयामा रहेका अन्य संघ संस्था हरूलाई समेत यस बिषम परिस्थितीमा सहयोगको लागि अपिल समेत गरेको छ ।
काठमाण्डौं मैतीदेवीमा जन्मिएका निरज २०१७ मा आफ्नो परि वारको उज्ज्वल भविष्य निर्माण गर्न अमेरिका आएका थिए भने उनी पिट्सबर्गमै रहेको Panda Express मा शेफको रूपमा कार्य रत थिए ।
निरजका परिवारलाई सहयोग गर्न NRNA , California ले आर्थिक सहयोग संकलन अभियान Go Fund सुरु गरेको छ। संकलित रकम अन्त्येष्टि खर्च, बेरोजगार श्रीमती र १९ महिनाकी छोरीलाई सहयोग गर्नका लागी उपलब्ध गराईने जानकारी दिईएको छ।
सहयोगका लागि https://gofund.me/b5245dc6 मा योगदान गर्न सकिनेछ। यस दुखद घडीमा नेपाली समुदायले निराजको परिवारप्रति सहानुभूति र सहयोगको अपिल गरेको छ।
प्रतिक्रिया लेख्नुहोस्:-