काठमाडौं । दार्चुला जिल्लाको नेपाल–भारत सीमामा पर्ने महाकाली नदीमा भारत सरकारले मोटरेबल पुल बनाउने भएको छ।
भारतीय विदेशमन्त्री एस जयशंकरले महाकालीमाथि पुल बनाउने विषयमा बिहीबार भारतीय मन्त्रिपरिषदबाट निर्णय भएको जानकारी दिएका हुन्।
‘प्रधानमन्त्री नरेन्द्र मोदीको नेतृत्वमा (बिहीबार) बसेको मन्त्रिपरिषद् बैठकले महत्त्वपूर्ण निर्णय गरेको छ’, बिहीबार साँझ उनले सामाजिक सञ्जालमा लेखेका छन्, ‘नेपाल र भारतबीच दार्चुलामा महाकाली नदीमाथि पुल बनाउने एमओयू। हाम्रो मित्रतापूर्ण सम्बन्ध अझ गहिरो बनाउन एक महत्त्वपूर्ण कदम।’
बिहीबारै दिउँसो परराष्ट्रमन्त्री डा। नारायण खड्का र भारतीय समकक्षी एस जयशंकरबीच टेलिफोन संवाद भएको थियो।
प्रतिक्रिया लेख्नुहोस्:-