थपिए ९४४ कोरोना संक्रमित, मृत्यु शून्य

काठमाडौं । देशमा पछिल्लो २४ घण्टामा ९४४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १३ हजार २६४ नमूना परीक्षणमध्ये ६९६ पीसीआर र २४८ जनामा एन्टिजेन पोजिटिभ देखिएको हो ।
पछिल्लो २४ घण्टामा संक्रमणबाट मृत्यु भने कसैको भएको छैन । हालसम्मको मृत्यु संख्या ११ हजार ६०२ छ ।

मन्त्रालयका अनुसार यस अवधिमा थप २९७ जना संक्रमणमुक्त भएका छन् । कोरोना गत हप्तादेखि नेपालमा तीब्र गतिमा फैलिइरहेको छ । यसका साथै नयाँ भेरियण्ट ओमिक्रोन पनि फैलदो क्रममा छ । शुक्रबार मात्र ओमिक्रोनका २४ जना संक्रमित फेला परेका थिए ।