काठमाडौं । कोभिड– १९ युनिफाइड केन्द्रीय अस्पतालका प्रमुख प्रशासकीय अधिकृत (सिइओ) डाक्टर भुपेन्द्रबहादुर बस्नेतले पछिल्लो एक सातामा कोरोना संक्रमण बढेको बताएका छन्।
स्वास्थ्य तथा जनसंख्या मन्त्रालयको नियमित प्रेस ब्रिफिङमा डाक्टर बस्नेतले केन्द्रीय अस्पतालले समन्वय गर्दै आएका देशभरका अस्पतालमा कोरोनाको विरामी भर्ना हुनेक्रम बढेको जानकारी दिएका हुन्।
उनले भने, ‘कोभिड–१९ केन्द्रीय अस्पतालले उपत्यकाका १३ वटा अस्पताल र प्रदेशस्तरका ७ वटा अस्पतालसँग निरन्तर समन्वय गर्दै आएका छौं। सबै अस्पतालमा कोभिडका विरामी बढेको पाइएको छ, ‘धेरै अस्पतालमा एक हप्ता अगाडिको भन्दा दोब्बरले विरामी संख्या बढेको छ।’
आइतबार मात्र एकै दिन १ हजार १ सय ६७ जनामा संक्रमण पुष्टि भएको छ। र अहिलेको संक्रमण जोखिमको हिसाबले यो संख्या अझै बढ्ने देखिन्छ। पछिल्लो समय नेपालमा पनि ओमिक्रोन संक्रमण फैलिएको पाइएपछि संक्रमण तीब्र बढेको पाइएको छ।
प्रतिक्रिया लेख्नुहोस्:-