काठमाडौं । भारतमा कोरोनाको तेस्रो लहर आएसँगै संक्रमण पनि अत्यधिक रुपमा बढिरहेको छ । छ पछिल्लो २४ घण्टामा मात्र एक लाख ७९ हजार ७२३ कोरोना संक्रमित थपिएका छन् ।
भारतीय समाचार एजेन्सीका अनुसार केन्द्रीय स्वास्थ्य मन्त्रालयका अनुसार सोमबार कोभिड–१९ का एक लाख ७९ हजार ७२३ नयाँ संक्रमित थपिएका छन् । पछिल्लो २४ घण्टामा १४६ जना संक्रमितको मृत्यु भएको मन्त्रालयले जनाएको छ ।
यससँगै भारतमा सक्रिय संक्रमितको संख्या ७ लाख २३ हजार ६१९ पुगेको छ । त्यस्तै, दैनिक संक्रमण दर (पोजिटिभिटी रेट) १३.२९ प्रतिशत रहेको भारतीय समाचार माध्यमले जनाएका छन् ।
भारतमा कोभिड–१९ को नयाँ ओमिक्रोन भेरियन्टका हालसम्म ४ हजार ३३ जनामा यो भेरियन्टको संक्रमण पुष्टि भएको छ । ओमिक्रोनका संक्रमितमध्ये महाराष्ट्रमा सबैभन्दा धेरै छन् ।
प्रतिक्रिया लेख्नुहोस्:-