काठमाडौं । नारायणहिटीमा बतास समूहसँग भएको सम्झौतामा समितिले कमजोरी रहेको प्रतिवेदन पेस गरेपछि नारायणहिटी दरबार सङ्ग्रहालय तथा गणतन्त्र स्मारक व्यवस्थापन तथा सञ्चालन समितिका कार्यकारी निर्देशक भेषनारायण दाहालले दिएको राजीनामा स्वीकृत भएको छ।
उनले नारायणहिटी दरबार सङ्ग्रहालय तथा गणतन्त्र स्मारक व्यवस्थापन तथा सञ्चालन समितिका अध्यक्ष रहेका पर्यटन सचिव महेश्वर न्यौपानेसमक्ष आजै राजीनामा दिएका थिए । अध्यक्षको हैसियतले उनको राजीनामा आजै स्वीकृत भएको मन्त्रालयका सचिव महेश्वर न्यौपानेले जानकारी दिए।
उनले भने, ‘कार्यकारी निर्देशक दाहालले राजीनामा दिनुभएको थियो, उहाँको राजीनामा स्वीकृत भएको छ।’ उनले आफूले ३० वर्षसम्म पुरातत्व विभागमा रहेर उत्कृष्ट काम गरेको र कामबाटै प्रभावित भएर अगिल्लो सरकारले यस समितिमा ४ वर्षका लागि नियुक्ति गरेको उल्लेख गर्दै पछिल्लो समय बतास समुहसँग भएको ठेक्का सम्झौतामा आफूले कही कतै गल्ती नगरेको दावी गरेका छन् ।
प्रतिक्रिया लेख्नुहोस्:-