काठमाडौं । नेकपा (एमाले) ले कोरोना नियन्त्रण, रोकथाम तथा उपचारमा सरकारले पर्याप्त ध्यान नदिएको भन्दै आज (शनिबार) प्रधानमन्त्री शेरबहादुर देउवलाई विभिन्न सुझावसहित ध्यानाकर्षण पत्र बुझाएको छ।
बालुवाटारमा पत्र बुझाउन एमाले उपाध्यक्ष एवम् संसदीय दलका उपनेता सुवासचन्द्र नेम्वाङको नेतृत्वमा योगेश भट्टराई , खगराज अधिकारी , कृष्णगोपाल श्रेष्ठ, विशाल भट्टराई कृष्ण राई, सरिता न्यौपाने लगायतका नेताहरु पुगेका थिए ।
पछिल्लो केही सातादेखि नेपालमा कोरोनाको तेस्रो लहर सुरु भएको छ । महामारीकै रुपमा समुदायस्तरमा संक्रमण फैलिइसकेको भए पनि सरकारले जनताको सुरक्षाका लागि गर्नुपर्ने जति काम नगरेको विपक्षीको आरोप छ ।
कोरोना संक्रमण बढ्नुमा प्रमुख राजनीतिक दलहरुको महाधिवेशन नै मुख्य कारक रहेको आँकलन गरिएको छ ।
उनीहरुले सरकारले तय गरेको स्वास्थ्य मापदण्ड पालना गरेका थिएनन् । नेकपा (एस) का अध्यक्ष माधव नेपाल लगायतका नेतालाई आफूले कारबाही गरेको भए पनि सभामुखले बदनियत राखी उनीहरुको सांसद पद जोगाएको भन्दै नेकपा एमालेले निरन्तर रुपमा संसद अवरोध गर्दै आइरहेको छ .
प्रतिक्रिया लेख्नुहोस्:-