काठमाडौं । नेपाल राष्ट्र बैंकले आयातमा भएको अनिवार्य नगद मार्जिनको व्यवस्था खारेज गरेको छ।
विदेशी विनिमयको सञ्चिति घट्दै गएपछि राष्ट्र बैंकले एक वर्षअघि आयातको प्रतितपत्रमा ५० देखि शतप्रतिशतसम्म नगद मार्जिनको व्यवस्था लागू गरेको थियो।
राष्ट्र बैंकले गत वर्षको पुस र माघमा गरेर ४८ समूहका वस्तुको आयातका लागि नगद मार्जिनको व्यवस्था गरेको थियो। आयातमा विभिन्न उपायमार्फत कडाइ गरेपछि विदेशी विनिमय सञ्चिति बढ्दै गएको छ। डलर सञ्चितिमा सुधार आएपछि गत महिना राष्ट्र बैंकले निर्माण सामग्रीको आयातमा गरिएको नगद मार्जिन हटाएको थियो। व्यवसायीहरूले पनि अनिवार्य नगद मार्जिनको व्यवस्थाको विरोध गर्दै आएका थिए।
प्रतिक्रिया लेख्नुहोस्:-