काठमाडौं । यही माघ १२ गते हुने राष्ट्रियसभा सदस्यको निर्वाचनमा मधेस प्रदेशमा नेकपा एमाले र लोकतान्त्रिक समाजवादी पार्टी (लोसपा) चुनावी गठबन्धन गर्ने भएका छन् ।
बिहीबार धनुषाको जनकपुरमा राष्ट्रियसभा निर्वाचनमा मधेस प्रदेशमा एमाले र लोसपाबीच गठबन्धन गर्ने सहमति भएको हो ।सहमतिपत्रमा एमाले मधेस प्रदेश कमिटीका अध्यक्ष रामऔतार यादव र लोसपाका मधेस प्रदेश अध्यक्ष जितेन्द्र सोनलले हस्ताक्षर गरेका छन् ।
दुवै दलले एमालेका उम्मेदवार उसमान अन्सारी र लोसपाकी उम्मेदवार रिता यादवलाई मतदान गरेर राष्ट्रियसभा सदस्यमा निर्वाचित गराउन आह्वान गरेका छन् । तत्कालीन एमाले अध्यक्ष केपी ओली नेतृत्वमा सहभागी हुने वा नहुने भन्ने विषयलाई लिएर जनता समाजवादी पार्टीमा फुट आएको थियो ।
प्रतिक्रिया लेख्नुहोस्:-