काठमाडौं । नेकपा (एमाले)का अध्यक्ष केपी शर्मा ओली कोरोना संक्रमित भएका छन् ।
केही दिनदेखि ओलीको स्वास्थ्यमा असहजता देखिएपछि शनिबार परीक्षण गर्दा कोरोना पोजिटिभ देखिएको हो । यस्तै, अध्यक्ष ओलीपत्नी राधिका शाक्यमा पनि संक्रमण देखिएको छ ।
कोरोना संक्रमित भएसँगै पूर्वनिर्धारित सबै कार्यक्रम स्थगित भएका छन् । यसअघि, एमाले उपाध्यक्ष विष्णु पौडेल, महासचिव शंकर पोखर र उपमहासचिव पृथ्वी सुब्बा गुरुङमा पनि कोरोना संक्रमण देखिएको छ ।
ओली हाल बालकोटस्थित आफ्नै निवासमा भेटघाट बन्द गरेर आइसोलेसनमा छन् । नेकपा (एमाले)ले सरकारको ६ महिना अवधिलाई मूल्यांकन गर्दै आज पत्रकार सम्मेलन गर्ने तयारी गरिएको थियो । ओलीमा कोरोना संक्रमण पुष्टि भएपछि पत्रकार सम्मेलनसमेत स्थगित गरी वक्तव्य जारी गर्ने तयारी छ ।
प्रतिक्रिया लेख्नुहोस्:-