काठमाडौं । पछिल्लो २४ घण्टामा देशभर ६ हजार ८२७ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार १९ हजार ८६९ वटा नमुना परीक्षण गर्दा सो संख्यामा संक्रमित फेला परेका हुन् । यसै अवधिमा १० जनाको मृत्यु भएको छ भने ५ हजार ४३२ जना संक्रमणमुक्त भएका छन् । यससँगै देशभर कोरोनाको सक्रिय संक्रमितको संख्या ८९ हजार ९४१ जना कायम भएको छ।
संक्रमितमध्ये हालसम्म ८ लाख ४२ हजार ४३६ जना निको हुँदा कुल ११ हजार ६९७ जना संक्रमितको मृत्यु भएको मन्त्रालयको तथ्यांकमा उल्लेख छ। यसैगरी पछिल्लो २४ घण्टामा उपत्यकामा मात्रै २९०० भन्दा बढीमा कोरोनाभाइरस संक्रमण पुष्टि भएको छ ।
प्रतिक्रिया लेख्नुहोस्:-