काठमाडौं । आज (आइतबार) का लागि बोलाइएको प्रतिनिधिसभाको बैठक फेरि माघ २६ गतेलाई सारिएको छ ।
संघीय संसद सचिवालयले एक सूचना जारी गर्दे आइतबारका लागि बोलाइएको प्रतिनिधिसभाको बैठक माघ २६ गते दिउँसो १ बजेका लागि सारिएको जानकारी दिएको हो ।
संघीय संसदका महासचिव भरतराज गौतमले जारी गरेको सूचना अनुसार कोरोना महामारीको संक्रमणको जोखिम यथावत रहेकाले आइतबार बैठक बस्न नसक्ने भएकाले सभामुख अग्निप्रसाद सापकोटाले बैठक १० दिन पछि सारेका हुन् ।
स्थानीय तहको निर्वाचन आगामी जेठ महिनामा गर्नेबारे सत्तारुढ दलबीच लगभग सहमति भइसकेपछि बैठक केही समयलाई पर सारिएको बुझिएको छ । संविधानमा स्थानीय निर्वाचन सम्बन्धी केही अस्पस्टता रहेको र त्यसलाई संशोधन गर्नपर्ने भएकाले संसद पर धकेलिएको हो ।
प्रतिक्रिया लेख्नुहोस्:-