सभामुख सापकोटालाई काभ्रेमा विद्यार्थीले देखाए कालोझण्डा

काठमाडौं । नेकपा एमालेको विद्यार्थी संगठन अनेरास्ववियुले बनेपामा सभामुख अग्निप्रसाद सापकोटालाई कालो झण्डा देखाएको छ ।सापकोटा सिन्धुपाल्चोक जाने क्रममा बनेपा हुँदै गएका बेला उनलाई कालोझण्डा देखाइएको हो ।

एमाले विभाजनमा सभामुख सापकोटाको भूमिका रहेको भन्दै एमालेले सभामुखको राजीनामा माग्दै आएको छ ।

विद्यार्थी नेता–कार्यकर्ताले सभामुख सापकोटाको गाडीमा समेत अवरोध गरेका थिए । सो क्रममा प्रहरीले विद्यार्थीहरूमाथि बल प्रयोग गरेको थियो ।