काठमाडौं । प्रधानमन्त्री रहेका नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले गठबन्धनमा कांग्रेसले सहयोग नगरेको टिप्पणी गरेका छन् । उनले सोमबार केन्द्रीय कमिटीको बैठकमा नेताहरूले उठाएको प्रश्नको जवाफ दिने क्रममा यस्तो टिप्पणी गरेका हुन् ।
प्रधानमन्त्रीसमेत रहेका प्रचण्डको भनाई उदृत गर्दै एक नेताले भने, ‘कोशी प्रदेशको नतिजालाई हामीले गम्भीरतापूर्वक लिनुपर्छ, हामीलाई पहिलेदेखि नै धोका दिएर अफ्ठ्यारो पार्दै आएको छ । धोकाको श्रृंखलामा कांग्रेसका केन्द्रीय नेताहरू नै संलग्न छन् । कांग्रेससँगको सहकार्य सजिलै भइरहेको छैन । यसको अर्थ अहिले नै गठबन्धन टुट्छ भन्ने होइन ।’
उनले कांग्रेससँगको सहकार्यमा प्रश्न उठाउँदै अब एक्लै चुनाव जित्ने पार्टी निर्माण गर्नोगरी अभियानमा लाग्नुपर्ने बताए ।
प्रतिक्रिया लेख्नुहोस्:-