काठमाडौं । नेकपा (माओवादी केन्द्र) का अध्यक्ष पुष्पकमल दाहालले स्थानीय तहको निर्वाचनको तयारी गर्न प्रदेश कमिटीलाई निर्देशन दिएका छन्।
उनले प्रदेश कमिटीहरूलाई सोमबार परिपत्र जारी गर्दै नगरर गाउँ पालिकामा पार्टी केन्द्रीय सदस्यको नेतृत्वमा निर्वाचन मूल परिचालन समिति बनाउन उनले निर्देशन दिएका हुन्।
निर्वाचनको तयारी व्यवस्थित गर्न तत्काल वडास्तरमा संगठित सदस्यहरू, जवस मोर्चा र पेशागत संगठनका नेताहरू, पार्टी समर्थक बुद्धिजीवि र विषय विज्ञहरू सम्मिलित निर्वाचन परिचालन समिति बनाउन उनले आग्रह गरेका छन्।
मूल परिचालन समितिअन्तर्गत अध्ययन, सर्वेक्षण तथा विश्लेषण, स्वयंसेवक परिचालन, सूचना, सञ्चार तथा प्रचार व्यवस्थापनलगायत उपसमितिहरू बनाउन पनि उनले पार्टीका नेता कार्यकर्तालाई निर्देशन दिएका छन्।
प्रतिक्रिया लेख्नुहोस्:-