काठमाडौं । राष्ट्रपति निर्वाचनको विषयमा छलफल गर्न नेकपा एमालेले फागुन १३ गते बिहान ९ बजे सचिवालय बैठक आह्वान गरेको छ ।
आगामी १३ गते राष्ट्रपति पदका लागि उमेदवारी मनोनय हुँदै छ । राष्ट्रपतिको उमेदवारी मनोनय नजिकिँदै गर्दा नेताहरूले दौडधुप बढाएका छन् ।
नेकपा (माओवादी केन्द्र) ले राष्ट्रपतिबारे नेपाली कांग्रेस र नेकपा (एकीकृत समावादी)सँग छलफल थालेपछि अहिलेको गठबन्धन टुट्न सक्ने आंशका बढेको छ । एमालेले प्रचण्डलाई प्रधानमन्त्री बनाउँदा नै राष्ट्रपति एमालेलाई दिने सहमति गरेकाले अहिले दाँयाबाँया नगरी आफ्नो उम्मेदवारलाई निशर्त समर्थन गर्नुपर्ने अडान लिँदै आएको छ ।
प्रतिक्रिया लेख्नुहोस्:-