काठमाडौं । एमसीसी संसदबाट अनुमोदन गर्ने समय घर्किदै गएपछि प्रधानमन्त्री शेरबहादुर देउवाको दौडधूप बढेको छ ।
वर्तमान सत्तारुढ घटक दलहरु नेकपा माओवादी केन्द्र र एकीकृत समाजवादीले संशोधन बिना एमसीसीलाई समर्थन नगर्ने प्रस्ट गरेपछि नेपाली कांग्रेस एमालेसँग निरन्तर संवादमा छ ।
अहिले प्रधानमन्त्री शेरबहादुर देउवासहित कांग्रेसका नेताहरु एमाले अध्यक्ष केपी ओलीनिवास बालकोट पुगेर छलफल गरिरहेका छन् ।
छलफलमा देउवा र ओलीसहित सूचना तथा सञ्चारमन्त्री ज्ञानेन्द्र कार्की, कांग्रेस महामन्त्री गगन थापा, पूर्णबहादुर खड्का, एमालेका नेताहरू प्रदीप ज्ञवाली, शंकर पोखरेल लगायत सहभागी छन् ।
एमसीसी लगायत पछिल्लो राजनीतिक घटनाक्रमबारे उनीहरूको छलफल केन्द्रित रहेको बताइएको छ । प्रधानमन्त्री देउवाले यसअघि माओवादी केन्द्रका अध्यक्ष पुष्पकमल दाहालसँग बालुवाटारमा भेटवार्ता गरेका थिए ।
प्रतिक्रिया लेख्नुहोस्:-