काठमाडौं । सूचना सञ्चार तथा प्रविधि मन्त्री रेखा शर्माले मंगलबार मन्त्रिपरिषद्का निर्णय सार्वजनिक गरेकी छन् ।
उनले मंगलबार मन्त्रिपरिषद्का निर्णय सार्वजनिक गर्दै सशस्त्र द्वन्द्व र जनआन्दोलनका क्रममा मृत्यु भइ शहीद घोषणा भइ राजपत्रमा नामावली प्रकाशित हुन बाँकी रहेका शहीदहरुको नामावली गृह मन्त्रालयले राजपत्रमा प्रकाशन गर्ने निर्णय भएको जानकारी दिइन् ।
हिजोको बैठकले नेपाल गुणस्तरीय स्वास्थ्य सेवा प्रणाली कार्यक्रमका लागि विश्व बैंकबाट प्राप्त हुने एक सय मिलियन डलर बराबरको सहुलियतपूर्ण ऋण सहायता तथा ३.८४ मिलियन अमेरिकी डलर बराबरको अनुदान सहायता सम्बन्धी समम्झौतालाई अन्तिम रुप दिन वार्ता टोली गठन गर्ने निर्णय गरेको छ ।
मन्त्रिपरिषद्ले सरकारका सवै निकायका तथ्याङ्क एवं सूचना प्रविधि प्रणाली सरकारी एकीकृत डाटा केन्द्रमा राखी व्यवस्थापन गर्ने र राष्ट्रिय सूचना प्रविधि केन्द्रले काठमाडौंमा रहेको सरकारी एकीकृत डाटा केन्द्र र हेटौडामा रहेको डिजास्टर रिकभरी केन्द्रलाई पूर्ण क्षमतामा सञ्चालन गर्ने गरि २४ सै घण्टा नेटवर्किङ र साइवर सुरक्षासम्बन्धी प्राविधिकले निगरानी गर्ने व्यवस्था मिलाउने निर्णय गरेको छ ।
उनले राष्ट्रपतिको चुनावपछि मात्रै मन्त्रिमण्डल पुनर्गठन गर्ने जानकारी दिइन् ।
प्रतिक्रिया लेख्नुहोस्:-