काठमाडौं । स्वतन्त्र उर्जा उत्पादक संस्था नेपाल (इपान)को आयोजनामा आगामी चैत्र १८ देखि २० गतेसम्म काठमाडौंमा हिमालयन हाइड्रो एक्स्पो २०२२ हुने भएको छ ।
इपानले आज पत्रकार सम्मेलन गरेर यसबारेमा जानकारी दिएको हो । उसका अनुसार एक्स्पो आगामी चैत्र १८ देखि २० गतेसम्म राजधानीको भृकुटीमण्डपमा हुनेछ । एक्स्पोमा नेपालको जलविद्युत बजार विस्तारीकरण मुख्य नारा रहेको छ।
यस एक्सपोमा नेपालस्थित भारतीय राजदुतावासको समन्वय तथा बेलायती राजदुतावास र क्यानेडियन हाइ कमिशन कन्ट्री पार्टनरका रहने रूपमा रहने इपानले जनाएको छ । भारतीय राजदुतावासको समन्वयमा एक्स्पो आयोजना हुँदा नेपाल र भारतका उर्जासम्बद्ध व्यक्ति तथा संस्थाका बिचमा पारस्परिक सहयोग र सहकार्यमा समेत सहजता आउने इपानले जनाएको छ ।
हाइड्रो सम्बन्धी अन्तर्राष्ट्रिय स्तरको विकसित पछिल्ला प्रविधिका बारेमा जानकारी गराउने र नेपालको जलविद्युतको लागि बजारको प्रवर्धन गर्न, देशभित्र बिद्युत खपत बढाउने, विद्युत व्यापारको प्रवर्धन गर्ने उद्देश्य रहेको जनाएको छ ।
सो अवसरमा बोल्दै इपान उपाध्यक्ष आशिष गर्गले भारतीय सरकार समेत पाटनर रहेको हुँदा भारतीय जलविद्युत क्षेत्रका धेरै प्रतिनिधिको सहभागिता हुने जानकारी दिए ।
यसले नेपालमा उर्जा उत्पादनको वर्तमान अवस्थालाई थप तीव्रता दिन सहयोग गर्ने, सरकारले अघि सारेको १० वर्षमा १५ हजार मेगावाट विद्युत उत्पादनको राष्ट्रिय लक्ष्यमा महत्वपूर्ण योगदान दिने तथा जलविद्युत क्षेत्रको विकासमा बहुआयामिक योगदान पुर्याउने विस्वास गरिएको छ ।
तीन दिनसम्म संञ्चालन हुने एक्स्पोमा १ सय भन्दा बढी स्टल रहने इपानले जनाएको छ । जसमा जलविद्युत प्रवर्द्धक, उत्पादक, इक्युप्मेन्टस् सप्लायर्स, टवाइन उत्पादक, लगानीकर्ता, बैंक, बिमा लगायत जलविद्युतमा नयाँ प्रविधि र निर्माणसँग सम्बन्धित विविध स्टल एक्स्पोमा रहने छन् ।
प्रतिक्रिया लेख्नुहोस्:-