काठमाडौं । नेकपा (एमाले) का सचिव योगेश भट्टराईले एमाले अहिलेको सत्ता गठबन्धनसँग निर्वाचनमा एक्लै लड्न सक्षम रहेको दावी गरेका छन् ।
शुक्रबार पार्टीको जनवर्गीय संगठन राष्ट्रिय स्वास्थ्यकर्मी संघ नेपाल, कर्णाली प्रदेशको प्रथम अधिवेशनलाई सम्बोधन गर्दै उनले भने, ‘आगामी निर्वाचनमा एमाले पहिलो शक्ति केन्द्रका रुपमै अगाडि आउँछ । त्यसका लागि पार्टीका सम्पूर्ण संगठनहरु जिम्मेवारीपूर्वक लाग्न आवश्यक छ ।’
आगामी बैशाख ३० गते हुने स्थानीय तहमा एमालेले बहुमत ल्याउने दावी गर्दै उनले नेपाली जनताले आफ्नो पार्टीलाई मात्रै मत दिने बताएका हुन् ।
एमाले नेतृत्व सरकारमा भएका बेला गरेका राम्रा कामबारे जनताले बुझेको बताउँदै सबै कार्यकर्ताहरु जनताको घरदैलोमा गएर आफ्नो पक्षमा माहोल बनाउनुपर्नेमा उनको जोड थियो ।
प्रतिक्रिया लेख्नुहोस्:-