न्याय परिषद सचिवालयले प्रधानन्यायाधीश गोपालप्रसाद पराजुली सो पदमा बहाल नरहेको जानकारी गराएको छ। गत २०७४ साल साउन २१ गते नै प्रधानन्यायाधीश गोपाल पराजुलीको ६५ वर्षको उमेर हद पूरा भइसकेको भन्दै न्याय परिषदका सचिव नृपध्वज निरौलाले सचिवस्तरीय निर्णय गर्दै प्रधानन्यायाधीश उमेरहदका कारण पदमा बहाल नरहेको जनाएका हुन्। प्रधानन्यायाधीश पराजुलीलाई पदावधी सकिएको जानकारी गराइएको पत्रको वोधार्थ राष्ट्रपति कार्यालय, संवैधानिक परिषद, प्रधानमन्त्री तथा मन्त्रिपरिषद सचिवालय लगाएतलाई बोधार्थ दिइएको छ।
आजै फागुन ३० गते परीक्षा नियन्त्रण कार्यालय सानोठिमी भक्तपुरबाट न्याय परिषदलाई प्रधानन्यायाधीशको जन्ममिति खुलाइएको पत्र प्राप्त भएपश्चात न्याय परिषद ऐन बमोजिम प्रधानन्यायाधीश उमेरहदका कारण पदमा बहाल नरहने निर्णय न्याय परिषदका सचिवस्तीय निर्णय भएको हो। न्याय परिषद सचिव निरौलाले प्रधानन्यायाधीश बहाल नरहेको निर्णय गरेको पत्र सार्वजनिक भैसकेपनि प्रधानन्यायाधीश पराजुलीले नवनिर्वाचित राष्ट्रपति विद्यादेवी भण्डारीलाई पद तथा गोपनीयताको सपथ गराएका थिए।
कान्तिपुर दैनिक र डा. गोविन्द केसी बिरुद्धको अदालतको अवहेलना सम्वन्धी मुद्दाको बहसमा पराजुलीले तोकेको बृहत पूर्ण इजलाशमा बस्न अस्वीकार गर्ने न्यायाधीश चोलेन्द्र शम्सेर राणाको निर्णयसंगै थप बिवादमा आएका प्रधानन्यायाधीश अब पदमा बहाल हुन् कि होइनन् भन्ने अर्को बिवाद निम्तिएको छ।
न्याय परिषदको पत्र- जस्ताको तस्तै:
न्याय परिषदको पत्र: कान्तिपुरका प्रधान सम्पादक सुधिर शर्माको ट्वीटरबाट
प्रतिक्रिया लेख्नुहोस्:-