नेपाललाई एकदिवसीय मान्यता प्राप्त

काठमाडौँ, १ चैत/ विश्वकप छनोटअन्तर्गत प्लेअफ खेलमा पपुवा न्यूगिनीलाइ नेपालले पराजित गर्दै एकदिवसीय मान्यता प्राप्त गरेको छ । जिम्बावेको हरारेस्थित हरारे स्पोर्टस् क्लबको मैदानमा भएको खेलमा टस हारेर ब्याटिङ गरेको पपुवा न्यूगिनीले २७ दशमलव २ ओभरमा सबै विकेट गुमाउँदै नेपाललाई ११५ रनको चुनौती दिएको थियो । जवाफी ब्याटिंगमा उत्रेको नेपालले पपुवा न्युगिनीलाइ २३ ओभरमा ११५ रन बनाउँदै पराजित गरेको छ । आजै भएको अर्को खेलमा नेदरल्याण्डले हंगकंगलाइ पराजित गरेको छ ।
पुछारका चार टिम मध्य नेदरल्याण्डले पहिला नै एकदिवसीय मान्यता प्राप्त गरिसकेको छ । बाँकी तीन टिम पपुवा न्युगिनी, हंगकंग र नेपाल मध्य जसको सबै भन्दा राम्रो स्कोर हुन्छ सो टिमले नै एकदिवसीय मान्यता प्राप्त गर्नेमा नेपालको राम्रो स्कोर भएको हुँदा एकदिवसीय मान्यता प्राप्त गरेको छ ।
सातौँ स्थानको लागि नेपालले नेदरल्याण्डसंग मार्च १७ शनिवार नेदरल्याण्डसंग खेल्दै छ ।