काठमाडौं । प्रधानमन्त्री शेरबहादुर देउवाले अहिलेको सत्ता गठबन्धन निर्वाचनसम्मै कायम रहने बताएका छन् ।
उनले बिहीबार नेपाली कांग्रेस तनहुँले पार्टी कार्यालय दमौलीमा आयोजना गरेको कार्यक्रममा बोल्दै आसन्न निर्वाचनमा गठबन्धन गरेर जाने पक्षमा आफू रहेको बताएका हुन् ।
उनले प्रदेश र प्रतिनिधिसभाको निर्वाचनसम्म पनि गठबन्धन गर्न जरुरी रहेको उल्लेख गरे । ‘गठबन्धनलाई सँगै लैजान जरुरत छ । स्थानीय निर्वाचनमा मात्रै हैन प्रदेश र राष्ट्रिय निर्वाचनमा पनि गठबन्धन भएमा मात्रै विजयी हुन्छौ’, उनले भने ।
निर्वाचनमा गठबन्धनमा आबद्ध पार्टीहरूलाई पनि उचित स्थान दिनुपर्ने उनको भनाइ छ । ‘किनकि उहाँहरूको योगदानलाई बिर्सन हुँदैन । प्रधानमन्त्री हुन धेरै पार्टीका साथीहरू लालायित थिए’, उनले भने । प्रजातन्त्र बचाउन राष्ट्रिय एकतालाई जोड दिनुपर्ने देउवाले बताए ।
प्रतिक्रिया लेख्नुहोस्:-