काठमाडौं । नेपाली कांग्रेसका प्रवक्ता डा. प्रकाशशरण महतले आगामी बैशाख ३० गते हुने स्थानीय तहको निर्वाचनमा अन्य दलहरुसँग तालमेल गर्ने विषयमा सभापति तथा प्रधानमन्त्रीका हुर्मत लिन खोजिएको टिप्पणी गरेका छन् ।
प्रवक्ता महतले आज केन्द्रीय कार्य समिति बैठकमा प्रदेश सभापतिहरूले तालमेलको विपक्षमा धारणा राखेपछि पत्रकारहरूसँग कुरा गर्दै सभापतिले जबरजस्ती केन्द्रबाटै गठबन्धन गर्न चाहेको गलत ढंगले प्रचार भइरहेको बताए ।
महतले भने– पार्टी सभापति लाद्न चाहनु हुन्छ भनेर जबरजस्त एउटा न्यारेटिभ पब्लिकमा पठाउन खोजिँदै छ । जे कुरा सम्प्रेषित गर्न कोसिस भइरहेको छ, त्यो पार्टीको आधिकारिक दृष्टिकोण होइन ।
भर्खर त छलफल भइरहेको छ । तलको इन्पुटको आधारमा निर्णय गर्ने भन्दा भन्दै पहिले नै पार्टी सभापतिले गठबन्धन गर्न चाहे पनि हामीले यस्तो निर्णय गर्न दिएनौँ भन्नको लागि यस्तो कुरा आइरहेको छ क ? महतले पार्टी सभापति देउवा कांग्रेसलाई कसरी फाइदाहुन्छ भन्नेमा केन्द्रित रहेको बताए ।
प्रतिक्रिया लेख्नुहोस्:-