हेटौडालार्इ राम्रो बनाउन जन सरोकार केन्द्रद्वारा सुझाव प्रस्तुत

हेटौडा, १३ चैत्र/ मकवानपुर जिल्ला र हेटौडा नगर क्षेत्रबाट २० वर्षे सवारी साधन हटाउने नेपाल सरकारको निर्णय पछि उत्पन्न भएका समस्याहरूका बारेमा आज जन सरोकार केन्द्र मकवानपुरले हेटौडा उपमहानगर पालिकाका मेयर हरि बहादुर महत, नारायणी यातायात व्यवसायी संघका अध्यक्ष हिरालाल श्रेष्ठ र टेम्पो तथा मझौला यातायात व्यवसायी संघका अध्यक्ष ज्ञानेन्द्र कार्कीलाई ध्यानाकर्षण पत्र बुझाएको छ ।
ध्यानाकर्षण पत्र बुझाउन जन सरोकार केन्द्र मकवानपुरका अध्यक्ष ध्रुव प्रसाद चौलागार्इ, सदस्यहरू प्रदिप कोर्इराला, बालकृष्ण चौलागार्इ, विनोद रिजाल, बालकृष्ण अधिकारी , वासु कार्की, यादव गजुरेल, नानीमैया बिष्ष्ट, सुधीर थापा, प्रमिला केसी, सुदिप सिवाकोटी, अप्सरा बस्नेत, उदय चौलागाई लगायतको उपस्थिति रहेको थियो ।

जनसरोकार केन्द्रले बुझाएको ध्यानाकर्षण पत्र;
१) २०७४।१२।०१ गते देखि २० वर्ष पुगेका पुराना भाडाका सवारी साधनहरूलाई देश भरि चल्न नदिने भन्ने नेपाल सरकारको निर्णयले पुराना भाडाका सवारी साधनहरू हटाइएका छन् । यसरी २० वर्ष पुगेका सवारी साधनहरू हटाई सकेपछि विशेष गरी हेटौडा उपमहानगर पालिकाका आसपासका वडाहरुबाट हेटौडा बजारसम्म आउनको लागि नियमित रूपमा पहिले चलिरहेका सवारी साधनहरू हट्दा र उक्त स्थानमा नयाँ सवारी साधनहरू प्रयाप्त मात्रमा नहुँदा सर्वसाधारणलाई आवत जावत गर्नको लागि समस्या परेकोले हेटौडा उपमहानगर पालिका, नारायणी यातायात व्यवसायी संघ, र टेम्पो यातायात व्यवसायी संघ लगायतका सरोकारवाला निकायहरू बसेर उचित विकल्पको व्यवस्था गर्नको लागि ध्यानाकर्षण गराउँदछौ ।
२) हाल चलिरहेका सवारी साधनहरूले अनियन्त्रित भाडा लिएका समाचारहरू सार्वजनिक भए पछि भाडाको दररेट तोक्दा टेम्पोको भाडा दर पहिले २० वर्ष पुगेका भाडाका सवारीहरू चली रहेको अवस्थाको भन्दा बढी तोकिएको र भाडादर तोक्दा एक जना चढ्दा र एक भन्दा बढी मानिस चढ्दा कति लिने भन्ने कुरालाई मापदण्ड बनाउनु पर्नेमा एकमुष्ट भाडा दर तोकिएको भनी अन्योल कायम भएकोले यस तर्फ सम्बन्धित सरोकारवाला सबै पक्षसँग सरसल्लाहा गरी पुनरबिचार गर्नु पर्ने आवश्यक्ता देखिएकोले ध्यानाकर्षण गराउँदछौ ।
३) हेटौडा उपमहानगरपालिका र आसपासका क्षेत्रमा चलिरहेका अटोरिक्सा, टेम्पो र विद्युतीय रिक्सामा चढ्ने यात्रुहरूको सुरक्षाको लागि विद्युतीय रिक्साहरूलाई नगरपालिकामा वार्षिक रूपमा अनिवार्य नविकरण गरी यात्रु बिमा गराउन र बिमा नगरेका अन्य यातायातका साधनहरूलाई समेत बिमा गराउने तर्फ उचित व्यवस्थापनमा सहयोग गर्न गराउन पहल गर्न सहयोग गर्न ध्यानाकर्षण गराउँदछौ ।
४) हेटौडा नगरको १२, १३ र १४ न. वडामा जाने आउने मुल सडकहरूलाई आउँदो बर्षात अगाडी नै व्यवस्थित बनाउन ध्यानाकर्षण गराउँदछौ ।
५) नगर क्षेत्र भित्र संञ्चालनमा रहेका क्रशर उद्योगहरूलाई मापदण्ड बनाएर मात्रै सञ्चालन गर्ने व्यवस्था गर्न ध्यानाकर्षण गराउँदछौ ।
६) कुखुरा पालन व्यवसायलाई निश्चित मापदण्ड बनाई छरछिमेकलाई असर नपर्ने गरी व्यवस्थापन गर्न र निश्चित समय र स्थान तोकि व्यवस्थित बनाउने तर्फ नीति नियम निर्माण गर्न ध्यानाकर्षण गराउँदछौ ।
७) हेटौडा नगर क्षेत्र भित्रको घरको नक्सापास सम्बन्धमा आम नागरिकले धेरै समय धाउनु पर्ने अवस्थालाई उचित व्यवस्थापन गर्न ध्यानाकर्षण गराउँदछौ ।
८) पेटी मासेर बाटो बनाउने र बाटोमा सवारी पार्कीङ्ग गरी सडक साँगुरो बनाउने कार्यलाई तुरुन्त रोक्नको लागि हेटौडा उपमहानगरपालिकाले सम्बन्धित सुरक्षा निकायसँग समेत सहकार्य गरी बाटो खालि गराउने कार्य गर्न ध्यानाकर्षण गराउँदछौ ।
९) हेटौडा बजारमा फुटपाथमा व्यापार गर्न नदिने गरी नगरपालिकाले फुटपाथ खाली गरेको कार्य राम्रो भए पनि कतिपय पसलहरूले पुनः सडक पेटीलाई अतिक्रमण गरी व्यवसाय सञ्चालन गरेको र आम सर्वसाधारणलाई पेटीमा हिडन अफ्ठेरो भएको गुनाासो छ । फुटपाथका व्यवसायीहरूलाई हटाई सकेपछि पुन सडकपेटीलाई अतिक्रमणमा पर्नदिने कार्यले विभेद समेत हुने हुँदा पेटी अतिक्रमण गर्नबाट रोक्न ध्यानाकर्षण गराउँदछौ ।
१०) हेटौडा नगर क्षेत्र भित्र भएका सबै विकाश निर्माणका कार्यहरूलाई समेत समावेश गरी मासिक रूपमा खर्च विवरण सार्वजनिक गरी सर्वसाधारणलाई जानकारी गराउँदा उपयुक्त हुने र पारदर्शितामा ३ न. प्रदेशको राजधानी हेटौडामा रहेको हेटौडा उपमाहानगरपालिकाको यस्तो कार्यले अन्य नगरपालिकाहरूलाई समेत दबाब श्रृजना हुनेहुदा यस्तो अनुसरण योग्य कार्य गर्न ध्यानाकर्षण गराउँदछौ ।
११) हेटौडालाई प्लास्टिक मुक्त क्षेत्र भनी पटकपटक निर्णय गरिए पनि व्यवहारमा प्रभावकारी रूपमा कार्यान्वयन नभएकोले यस तर्फ उचित र प्रभावकारी कदम चाल्न ध्यानाकर्षण गराउँदछौ ।