आफू नेतृत्वको सरकार पाँचै वर्ष चल्ने प्रचण्डको दावी

काठमाडौं । प्रधानमन्त्री पुष्पकमल दाहाल प्रचण्डले आफू नेतृत्वको सरकार आगामी पाँचै वर्ष चल्ने दाबी गरेका छन्। उनले बुधबार काठमाडौंमा आयोजित प्रथम न्यायिक समितिको राष्ट्रिय सम्मेलनलाई सम्बोधन गर्दै यस्तो दाबी गरेका हुन्।

प्रधानमन्त्री प्रचण्डले भने, ‘बालेनजीले आफ्नो कुरा राख्दै गर्दा सरकारको निरन्तरताको कुरा गर्नुभयो। स्थानीय तहको निर्वाचनपछि प्रदेश र संघको निर्वाचन सम्पन्न गर्‍यौं। त्यसपछि सरकार निरन्तर एउटै छ। मेरो नेतृत्वमा सरकार छ। मलाई विश्वास छ, यो सरकार पाँच वर्षसम्म जान्छ।’ उनले सरकार फेरिराख्ने कुरा नहुनेमा विश्वस्त रहन आग्रह गरे।